橙新聞

莎比亞

網絡作家

【莎比亞】愛情中最想擁有嘅法寶?

文:莎比亞

昨天吃飯時,跟女朋友認真地討論一條無聊問題。

我:「如果畀妳揀,最想要多啦A夢邊件法寶?」

佢:「梗係百寶袋啦,咁咪所有都有晒囉!」

修改一下,不能貪心,只可以選一樣。

女朋友想了想,我果然猜中了她的答案。

「一定係隨意門啦!」我先開口。

假期後,旅行癮未散,女朋友說如果有了隨意門,想到哪就到哪,更重要的是⋯⋯

「我可以隨時隨地睇實你有無同其他女仔去街!」

大概所有法寶到了女朋友手上,都會成為監視男朋友的工具。

「如果有隨意門,每次送妳番屋企就易好多喇⋯⋯」我幻想。

「咁你呢,你會揀咩?」女朋友問:「唔可以同我重複。」

「時光機。」我答。

「因為想預知未來?睇下我哋將來會唔會好幸福?」女朋友再問。

我搖一搖頭,想起上一次吵架的畫面,「我想喺每次激嬲妳嘅時候,都可以坐時光機番去,同嗰時嘅自己講⋯⋯千祈唔好咁做呀,唔係你會有排煩喇⋯⋯」

女朋友說這樣不夠浪漫,如果是她擁有時光機的話,她會用來回到熱戀期。每次感到絕望的時候,就回到那些開心的時光,重溫一下兩個人的甜蜜。

只可惜,無聊話題過後,回到現實,愛情當然沒有法寶。

因為沒有隨意門,我們都珍惜彼此相處的時光。

有事的時候,我們仍然會隨時在對方身邊。

沒有時光機,我們的愛情會充滿遺憾。

但正正是這些遺憾,令我們不敢再行差踏錯,一次又一次吵架令我們更懂得如何相處。

修補關係,不一定要回到過去,當下努力依然可以改變結果。

面對生活的忙碌、面對時間的無情,我們最大的「法寶」,就是對方的陪伴。

雖然,對方的關心,有時比法寶更難擁有。

更多文章,即like: 莎比亞 

編輯:Wing

編輯推薦

【莎比亞】女友幫手剪髮後果就係⋯

我做咗一件玩命嘅事:畀女朋友幫自己剪髮。結果係點,當然要慢慢講。

2017-04-12 13:50

【莎比亞】別輕看小事的殺傷力

你記得上次跟對方吵架所為何事?我很有印象,因為那是一件極度白痴的小事。

2017-04-05 16:15

【莎比亞|愛情殘酷系列】每一對情侶 必定會遇上嘅時差

一對情侶,即使住在香港,還是會有時差。那就像遠距離戀愛一樣,會逐漸地侵蝕你的愛情,在不知不覺間,令你們的感情變淡。那是我跟女朋友現在處於的階段。

2017-03-28 16:05

熱門評論