首頁

您當前的位置:美人計 > 莎比亞 正文

莎比亞

網絡作家

【莎比亞】女朋友一定鍾意 你呢啲小浪漫舉動

掃描QR Code 分享到WeChat ×

文|莎比亞

【莎比亞】女朋友一定鍾意 你呢啲小浪漫舉動

唔貪錢嘅女朋友好難氹。

因為佢哋追求心思上嘅浪漫。但何謂心思、何謂浪漫,反而令你頭痛到寧願可以用錢解決。而最大問題,我係兩樣都無...

拍拖以嚟,數數手指,只係做過幾樣嘢,令女朋友覺得好浪漫、好幸福,仲要唔使錢。

今篇文,就同大家開心share吓.....

【幫佢吹頭】

十個有十個女仔,都鍾意男朋友幫佢吹頭。除咗因為佢平時吹頭真係好麻煩,要吹好耐。當佢洗完頭沖完涼出嚟,你輕輕咁叫佢坐低,再輕輕地咁幫佢慢慢吹亁個頭,佢就會由頭暖到落個心。

【砌傢俬】

認真工作嘅男人最有型。雖然女朋友睇唔到我平時工作個樣,但有次我幫佢喺I字頭嘅傢俬店買咗個櫃,幫佢拎番屋企,再親手砌埋,佢就大讚我認真專注砌傢俬個樣好有型,令佢覺得俾人照顧緊,好有安全感。

【主動拖手同錫佢】

拍拖耐咗,唔好以為拖手同錫錫呢啲舉動已經一啲都唔重要。每次我主動拖起女朋友隻手,或者突然間錫佢一啖,佢都會好開心咁忍唔住笑。因為覺得仍然被愛,就算拍咗咁耐拖,我都仍然無變淡到。

我其實就唔明呢啲舉動有幾浪漫,明明只係好簡單嘅事,但喺女朋友眼中,不經意嘅浪漫,係最動人。

幸福好平,一份心思就夠。

更多文章,即like: 莎比亞 

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!