首頁

您當前的位置:美人計 > 莎比亞 正文

莎比亞

網絡作家

【莎比亞】女朋友成日黑面,點算?

掃描QR Code 分享到WeChat ×

文 | 莎比亞
  
【莎比亞】女朋友成日黑面,點算?
    
最近,同女朋友發生啲問題,成日鬧交。
  
我覺得佢成日黑口黑面,對我嘅態度好差,明明好小嘅事,佢就會發晒脾氣。
  
有時我會忍無可忍:「妳可唔可以對我好啲呀!成日都係咁,真係好難頂⋯⋯」
  
我諗呢樣應該係每個男人最討厭嘅事,亦係分手嘅導火線。
  
試諗下,返工辛苦完一輪,見到女朋友,只係想放低面具,唔需要攻心計、唔使再睇人面色做人,可以做番最真嘅自己,開開心心度過一晚。但結果,對住自己最親密嘅人,仍然被「上司式口吻」咁呼呼喝喝。
  
大男人嘅朋友就會話:「我一定唔會忍,男人點可以成日畀女朋友食住,垃圾!」
 
而同我面對同樣命運嘅小男人巴打,就會同病相憐、同聲同氣咁話:「唉⋯講就易啫,睇嚟我哋成世都係『明明冇錯,但都主動認錯』嘅老婆奴⋯⋯」
  
「冇辦法啦,鬼叫自己女朋友係咁⋯⋯唔通真係分手咩⋯⋯」聽落好似好灰。
  
漸漸地,兩個人都感到無力,距離愈嚟愈遠,初初嘅甜蜜已過去,分手嘅念頭經常浮現。
  
愛情永遠都係必修課,每到一個新階段,兩個人面對嘅事有所轉變,對對方嘅態度亦受影響。
  
呢刻嘅對方好難頂,但我相信,凡事都有盡頭,唔係我哋嘅愛情走到終點,而係我哋會捱過火星撞地球嘅日子。
  
最親暱嘅人,就要用最親暱嘅態度去對待。對方唔係聖人,唔能夠永遠都無條件忍受你嘅脾氣。
 

更多文章,即like: 莎比亞 

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!