首頁

您當前的位置:美人計 > 莎比亞 正文

莎比亞

網絡作家

【莎比亞|簡單溫馨系列】鬧交唔緊要 最重要識得咁做⋯

掃描QR Code 分享到WeChat ×

  

【莎比亞|簡單溫馨系列】鬧交唔緊要 最重要識得咁做⋯

感情要維繫,鬧交都有藝術。
  
兩日一小鬧,三日一大鬧,鬧交已經成為咗拍拖中不可或缺嘅情節。無得我哋避,就算今次忍到,下次都一次過爆番晒出嚟。
  
Practice Makes Perfect,鬧得交多都會知道點收科。
  
所以我同女朋友講:鬧交唔緊要 最重要識得咁做⋯
  
原諒我今篇只針對女朋友。
  
喺我好細個嘅時候,阿爸阿媽成日鬧交,根據我從旁食花生觀察,有個情況會令一場細交變成大交——就係當我阿媽將同一樣嘢,重覆鬧好多次,鬧到我阿爸忍唔住大喝一句:「妳鬧夠未呀,咪再喺度發癲啦!」
  
講完呢句,我阿媽停咗半秒,然後⋯⋯世界大戰正式開始。
   
以上故事教訓大家,男人唔怕畀怕妳鬧,只怕妳唔識停。
  
具體少少咁講,即係同一句嘢,唔好重覆多過三次。
  
佢:「你份人可唔可以有少少手尾?」
  
OK。
  
佢:「點解你可以咁樣做人嘅?」
  
OK,我再忍。
  
佢:「唉,你幾多歲呀⋯咁大個人都要人幫手,我係你女朋友,唔係阿媽呀!」
  
最後機會。
  
佢:「唔該你下次唔好再係咁!」
  
終於,忍無可忍——「妳鬧夠未呀,咪再喺度發癲啦!」
  
大丈夫能屈能伸,做錯事畀人鬧下絕對可以理解,但自尊係唔可以踐踏多過三次。
  
製造一個落台階,鬧一兩句就算。男人會反省,妳鬧少啲,我哋反而內疚,就會對番妳好啲。
  
相信我,三句內停,世界就會好和平。
   
反正都唔會嘈到分手,不如早啲鬧完早啲唞。
  
  

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!