首頁

您當前的位置:美人計 > 情侶檔 正文

情侶檔

情侶故事,放閃時間到!

【專訪】大大與小妹:我哋嘅故事,係情侶都會有共鳴!

掃描QR Code 分享到WeChat ×

      
Fans有共鳴:「同我哋一模一樣!」
    
小妹自認畫功一般,線條也簡單,受到喜歡,應該是勝在故事有趣。幾乎每一幅作品,在Facebook上都會得到幾千個like和幾百個share,評論亦無數,可見fans愛戴。 這麼多熱情的回應,出自什麼樣的人?「喜歡我哋嘅人,應該係想象力豐富嘅人。佢需要想象力先get到我嘅意思,先會識得笑。」
  
【專訪】大大與小妹:我哋嘅故事,係情侶都會有共鳴!
(圖片來源:大大與小妹 Facebook)
  
大部分fans其實連二人的樣子都不知道,但看留言,儼然已當他們是多年老友。「好中意同佢哋傾計嘅感覺,留言都會盡量睇嗮」,「可以建立同fans嘅關係,係一件好好既事,佢哋唔係睇完就算,一笑而過。而同我哋做咗朋友,好似突然間多咗好多friend!」
  
除了與fans online的互動,大大和小妹也曾舉辦過offline的簽名會,不少fans都到場支持,「多數都係情侶嚟㗎,一對對」。本以為fans女仔居多,竟然也有大隻佬型男朋友帶女朋友過來,「佢女朋友同我講,『我男朋友好中意睇你哋嘅page,今日見面會都係佢拉我嚟㗎!』個大隻男仔仲shy shy地咁樣。」
    
【專訪】大大與小妹:我哋嘅故事,係情侶都會有共鳴!
(圖片來源:大大與小妹 Facebook)
  
小妹覺得最神奇是得到大家的共鳴,「最多嘅留言係tag自己另一半,然後話『一模一樣!講緊係我\你呀!』」大家嘻嘻哈哈在fan page笑作一團。也有男朋友會tag女朋友,說「係咪你畫㗎,我成日都覺得係你投稿」。小妹覺得感動,亦會有壓力,擔心會不會帶來負能量:「有啲女仔睇得太投入,有代入感。會話男朋友『人哋大大咁做,做咩你做唔到』,令到男仔有時好大壓力。調翻轉,有男仔會責怪女朋友,『點解你唔似小妹咁癡身』。」她希望大家可以明白,「其實每一對情侶相處方法唔同。」
  
小妹教路:穩定期情侶相處之道
        
將個人的感情故事畫出來給大眾看,兩人的關係有沒有因此感覺不同呢?「感情更好了!」小妹說,「大家嘅留言令我明白,原來大大真係一個好好既男朋友!」小妹以前會將大大對她的好,視為理所當然。現在才明白,原來不是所有男朋友都可以像大大那麼細心。
    
【專訪】大大與小妹:我哋嘅故事,係情侶都會有共鳴!
(圖片來源:大大與小妹 Facebook)
    
「漫畫幫助我哋溝通」,肉麻的情話、彼此覺甜美的時刻,「平時都唔會講出嚟喇!不過就可以畫出嚟囉!」漫畫反而幫兩人加強了溝通。
     
【專訪】大大與小妹:我哋嘅故事,係情侶都會有共鳴!
(圖片來源:大大與小妹 Facebook)
   
在小妹眼中,大大幽默、細心。不過是個為食客,「見到咩都想食,行街見到啲咩通通都想食,但最後又食唔嗮……所以個肚腩越來越大囉!」而在大大眼中,小妹雖然個子小小,大大也年長她四歲,但成熟過自己,「男仔內心有小朋友的一面」。不過小妹就說自己「做錯了死都唔會道歉」,而且「揀飲擇食」,這一點比較令人頭疼。
      
【專訪】大大與小妹:我哋嘅故事,係情侶都會有共鳴!
(圖片來源:大大與小妹 Facebook)
    
過了最癡纏的熱戀期,兩人現在已進入穩定期。何為穩定期?就是不怕在彼此面前做一些「核突嘢」,失去儀態也不要緊。小妹甜笑:「但相處反而更加著緊,關心冇減少」。
   
穩定期的情侶有什麼相處之道?小妹的建議是,「唔好冷戰!自己嘅感受要直接講,係呀我好嫐呀!你咁做我唔開心,否則啲男仔唔會知道自己死係邊度!」
      
【專訪】大大與小妹:我哋嘅故事,係情侶都會有共鳴!
  
如果想知更多大大與小妹的戀愛史和相處事,不妨追睇小妹新書《拍拖嗰味嘢》,各大書店10月中面市!「大大與小妹」本週亦開始在「橙新聞」開設漫畫專欄,歡迎追睇。祝人人有蜜運,有拖拍~!
  

你可能喜歡

熱門評論

為橙新聞OrangeNews「讚好」 ×
橙新聞 每日發現新鮮!