橙新聞

【橙Vlog】橫跨半個地球 空少歐洲回港隔離驚魂記

視頻:作者提供

文:傭仔

我覺得我真係悲劇中嘅女主角。

圖:作者提供

因為呢個新冠肺炎,上一間航空公司cut哂香港線,同時我亦決定辭職。好彩失業咗只係一個月,就有一間歐洲嘅航空公司請咗我,於是我就滿懷歡喜地去芬蘭進行說好的為期六個禮拜嘅training。

三月頭出發嘅時候,芬蘭只係得一單確診個案。嗰時知道可以離開香港,覺得好安心,始終香港係有百幾宗確診,可以去北歐避下世何樂而不為。一去到芬蘭,嗰度真係完全冇人戴口罩,雖然好凍,最凍可以去到零下四度,但仍然感覺空氣特別好,我哋仲plan咗呢六個禮拜training啲空檔時間要去埋其他歐洲國家玩,例如只係搭幾個鐘船程嘅愛沙尼亞。

好景不常,到咗芬蘭只係短短兩三日,一單確診個案升到日日百幾單,而當時意大利、德國、英國、法國等歐洲國家都爆到七彩,嚇到我哋唔敢周圍去,驚去到其他國家玩,萬一佢哋閉關,返唔嚟training就大獲鳥……

話口未完,芬蘭喺3月13日,由於新冠病毒爆發,宣佈國家進入緊急狀態,並立即為關閉芬蘭邊境做好準備。芬蘭政府採取19項措施其中包括:「除芬蘭公民和居住在芬蘭的人員回返外,將盡快暫停前往芬蘭的客運。芬蘭公民和居住在芬蘭的人員不得出國旅行。建議在國外的芬蘭遊客立即返回芬蘭。北部和西部邊境將允許必要的就業和獲得其他必要服務的出行。貨運和貨物運輸將照常繼續。」

圖:作者提供

成件事係好晴天霹靂,我哋上training上到第二日,就被告別成個training暫停,並安排我哋搭飛機返香港。唔好以為話返香港就返香港咁簡單,呢個非常時期要由歐洲買張機票返香港,係一件極之艱難嘅事。原因係好多歐洲國家都經已封關,冇飛機去,即係代表冇飛機返。以英國為例,倫敦回港機位一票難求,國泰航空第4季加開英國回港航班,並於3月16日起一周內加開11班航班,協助身處在英嘅香港留學生同埋市民盡快返港。

圖:作者提供
圖:作者提供

就係咁,我哋等咗差唔多三日,公司終於幫我哋買到機票,但係唔係直航,要喺日本大阪等七個鐘轉機!雖然係咁麻煩,我心入面都開心可以返返香港,始終你唔知呢度疫情會爆發到咩地步,而家有得走就好走;同時,亦都好驚,因為你唔知搭呢兩班機嘅人係由咩國家返嚟,有可能係意大利、德國等高確診率國家……

圖:作者提供

驚還驚,都要做啲防疫措施保護自己,出發時諗住買個N95口罩、防護眼鏡,點知出埋town都搵唔到。於是就用自己僅有嘅資源裝備自己。話時話,芬蘭人嘅防疫意識真係好低,出到街真係唔會有一個人戴口罩,就算係機場,都只有好少數人會戴。仲誇張嘅係,明明歐洲都已經爆到咁勁,你仲會見到好多人係會喺機場攬攬錫錫、Goodbye kiss!

圖:作者提供

拎咗登機證之後,過咗關見到好多亞洲人,有啲仲好誇張地著哂防護衣,勁個太空人咁。上到機坐我隔離嗰個貌似歐洲人,好彩佢都有笠返個口罩!飛咗差唔多十個鐘到咗日本轉機,個機場嘅人比想像中少,但呢個時勢人少好過人多!等咗七個鐘可以可以上機,返香港班機個個空姐都有戴口罩,啲乘客亦都好自律,個個戴哂口罩,唔少著哂防護衣。相比之下,我好似好弱咁,得一個口罩、戴一副普通眼鏡、一頂帽,加多一對膠手套。

圖:作者提供

班機臨降落香港,空姐就開始派衛生署嘅健康申報表同埋居家隔離通知書,填好之後過關就獲得一隻隔離手環同埋一本「海外抵港人士的家居檢疫須知」,本嘢主要教你隔離期間點樣保持個人衛生。

【橙Vlog】橫跨半個地球  空少歐洲回港隔離驚魂記
圖:作者提供
圖:作者提供

打呢篇文章嘅時候其實我已經進入居家隔離嘅第二日,但我仍然未收到政府send畀我嘅SMS!所以我一直都註冊唔到個app,去report我居家隔離嘅狀況!呢個app話會偵測住你個location,如果你個位置出現變化,個app就會發出提示,要求你scan手帶上嘅QR code,以確保你時時刻刻都喺嗰個位置。當然,除咗唔可以出街,居家隔離時期,你唔好以除低或者破壞手帶,違例者最高可被罰款25,000元及監禁六個月。

【橙Vlog】橫跨半個地球  空少歐洲回港隔離驚魂記
圖:作者提供

政府話由於入境人士眾多,佢哋做通宵都做唔切,隔離最緊要要靠自律!於是乎我就好自律地喺屋企自我隔離。咁居家隔離時期有啲咩做?冇㗎!都係煲下劇、做下運動,同埋喺社交平台同大家分享下我嘅近況!希望我可以快啲捱過呢十幾日,重出新天啦!

責編:CW

編輯:Emma

編輯推薦

【有片】居民無視疫情繼續聚會 意大利市長拍片力斥8大劣行

意大利新冠肺炎疫情嚴峻,網傳意大利一名市長發表一則視頻,幾近崩潰地發出一則視頻,對市民沒有任何警惕的群眾聚會行為發飆,力數市民8大劣行。

2020-03-23 11:44

【新冠肺炎】世衛:全球近30萬宗確診 12944患者死亡

據世界衛生組織(23日)發佈的疫情報告顯示,全球新冠病毒感染病例數已逼近30萬例,近1.3萬人因感染新冠死亡。

2020-03-23 11:12

哥倫比亞囚犯越獄逃疫觸發騷亂 釀23死90人傷

哥倫比亞首都波哥大一座監獄,有囚犯擔心新型冠狀病毒疫情可能蔓延至監獄而觸發騷亂,有人企圖越獄,最少23人死亡,近90人受傷。

2020-03-23 10:44

熱門評論

已複製連結