橙新聞

【熱話】港媽落機五分鐘未見BB車 狂鬧地勤:我坐商務艙㗎

【熱話】港媽落機五分鐘未見BB車 狂鬧地勤:我坐商務艙㗎
港媽不滿BB車遲落機。示意圖

【橙訊】有地勤人員近日在網上分享遇到「怪獸港媽」遭遇,指港媽落機僅約5分鐘已大吵大鬧,稱「等咗好耐架BB車都未出嚟,我坐商務艙」,並強調已掛上「優先標籤」,要求對方催足同僚和跟進。當地勤人員解釋其同事已在處理,港媽揚言要投訴對方及有關同事。最後,BB車由與港媽同行、坐在經濟客艙的工人推出。不少網民都批評港媽態度,「通常好強調自己乜class嘅人至無class」。

【熱話】港媽落機五分鐘未見BB車 狂鬧地勤:我坐商務艙㗎
圖:Facebook

該名自稱「地勤小薯」的網民在facebook群組「西客之道Hispitality Secret」投稿,指上月26日在登機橋外處理的一班航班上,「有十幾部BB車要人手load上嚟,真係辛苦晒機底同事」。但當時一名港媽落機後向他聲稱,已等了一會,仍未見同行者推BB車前來,「我等咗好耐架BB車都未出嚟,我坐商務艙架!我未試過咁耐都未拎到BB車囉!你睇!連機師都出埋嚟啦BB車仲未到!」但投稿人指,當時港媽只等了大約5分鐘。

該地勤向港媽解釋,無論是商務艙或經濟艙,寄艙的BB車都沒有分別,都是同一時間由人手拿上來。但港媽仍堅持自己應獲優待:「我嗰架有priority tag(優先標籤)架!」地勤續解釋:「都無分別架。同埋可能全部同一時間擺晒出嚟,你同行者都需要時間整理再推出嚟,或者你坐低等下啦。」

再過一分鐘,港媽愈來愈不耐煩,着地勤跟進,「催下架BB車呀!有乜理由咁耐呀!」地勤則稱其同事已到機艙跟進,但港媽仍十分不滿:「我成日都搭你哋,我未試過等架車等咁耐架!你企係度乜都唔使做架?!」當地勤再表示同事已跟進,並稱「我呢度無嘢幫到你」後,港媽更謂:「我一定會投訴!仲要投訴你!畀你個名我!」港媽又拍下該地勤的名牌和容貌。此時,該地勤的同事與最後一名客人推着BB車步出,該客人正是港媽的同行工人。

地勤表示,該工人坐經濟艙,而且是「自己手腳慢最後先出」。地勤對工人深表同情,並表示想向港媽說,「其實BB車出嚟的速度時快時慢,10分鐘清晒客同10幾部BB車已經叫超快,但你呢d怪獸港媽係都要係個仔女面前衝出嚟X。就算畀你好快拎到BB車出去,你以為你件行李已經喺行李帶等緊你?以嗰個落機速度我諗連頭等行李都未轆到出去呀。到時你係咪又去詢問處鬧點解你坐business,但件行李仲未出呀?」又反問:「你話你搭飛機多定我接機多?」

帖文掀起網民熱議,不少人認為港媽態度野蠻,「坐咩class都好,同『品』無關係,本身個人係X就X,唔等得坐私人飛機啦」、「自己坐商務工人坐經濟」、「咁有本事買架可以摺到好細嘅BB車拿上機,或者坐私人飛機」、「咪以為香港人好有品,好有水平」。

責編:李仕奇

編輯:Li Yung

編輯推薦

【熱話】快餐店買雪糕打尖 港媽:我個仔肚餓唔通由得佢咩

有港媽在快餐店買完雪糕等候期間,疑打尖「搶走」前面食客的雪糕,更稱「但我個仔好肚餓,唔通由得佢咩」,惹起熱議。不少網民留言狠批港媽,真係教壞細路。

2019-04-29 15:15

【熱話】遺失囝囝畫作 港媽公審壽司店職員反遭網民鬧爆

近日,有港媽在社交網站Facebook上發文,指自己在大埔一間壽司店遺留了兒子的畫作,短短10分鐘已經不見了,質疑到底是職員「玩X我」還是被小偷盜取。該帖文其後被轉發至其他群組,帖文未引起網民同情,反而被網民...

2019-04-28 12:30

【熱話】港媽找贖收「10元硬幣」 回家感有異發現實為秘魯貨幣

有網民在社交平台報料,指其母收到一個10元硬幣,但回家後發現竟然是秘魯貨幣!有關帖文惹起熱議,有網民留言,兌換港幣約值12元,更指「伯母賺咗少少」。

2019-04-12 15:36

熱門評論

已複製連結