橙新聞

【球王廚房】C朗一日六餐「球王餐」你啱唔啱?

【球王廚房】C朗一日六餐「球王餐」你啱唔啱?
C朗的三餐均有廚師跟進。圖:Twitter

【橙訊】今晚將領軍出戰摩洛哥的球王C朗(Cristiano Ronaldo),長年身處球壇巔峰,到底秘訣何在?有媒體認為是他對自己生活嘅要求係極度嚴謹、克制。日前與他份屬老友的前法國國腳艾夫拿(Patrice Evra)則「公開呼籲」不要去C朗屋企開餐,因為他家只會提供水、白烚雞同沙律,相當冇癮。

未知是否要「強力回擊」老友的說法,C朗在社交平台發放「今天吃什麼」的專題圖片,介紹自己的飲食習慣。

其實,C朗的飲食非常講究,除咗早、午、晚3餐之外,餐同餐之間亦會加入「小食」,最多1日會食6餐。所有不健康的垃圾食物一律「拒絕」,佢話:「酒精、糖同加工食物我全部唔會食,食物愈簡單愈好,好似蔬菜、水果、穀類同蛋白質。」

【球王廚房】C朗一日六餐「球王餐」你啱唔啱?

要保證熱量,肉類很重要。圖:網上圖片

據C朗透露,他最重視早餐,認為這是一天最重要的一餐,一定要「食到夠」令他的能量足夠維持到中午。最基本的早餐配搭係火腿、芝士、牛角包、牛油果多士、乳酪同多款水果,有時會榨果汁或者加多杯咖啡。

午餐則多數是具葡萄牙風味的一大盤薯絲馬介休,主要食材包括鱈魚、洋蔥、薯仔同炒蛋,據葡萄牙軍醫透露,C朗有時會要求加入鱸魚或者旗魚。C朗御用廚師羅里路說,薯絲炒馬介休嘅蛋白質同卡路里,可以帶給人足夠能量,但要配合龐大運動量,否則易爆肥。

【球王廚房】C朗一日六餐「球王餐」你啱唔啱?

葡式食品也是他的最愛。圖:資料圖片

至於晚餐,C朗重視維持纖維、蛋白質、維生素同碳水化合物的平衡攝取,所以蔬菜嘅份量最多,另外仲有雞胸肉、綠色豆類、米飯同水果。

而在餐同餐之間,每隔2至3個鐘頭會有小食充飢,做到少食多餐習慣,最常用的小食有吞拿魚卷同果汁,都係以低脂、高維他命、高蛋白質同高纖維為原則。

【球王廚房】C朗一日六餐「球王餐」你啱唔啱?

一身結實肌肉,C朗對三餐要求極高。圖:太陽報

責編:李仕奇

編輯:TANGLUN

編輯推薦

【今晚捧邊隊】8點睇C朗「終結」摩洛哥!西班牙深夜攻伊朗

2018年俄羅斯世界盃已進入第二輪小組賽,今晚頭場有「人氣王」C朗領軍的葡萄牙對陣「北非雄獅」摩洛哥,由於兩隊實力有明顯差距,葡萄牙今晚應該勝券在握,成為摩洛哥的終結者。此外,今晚還有烏拉圭對沙地阿拉伯...

2018-06-20 15:19

【有片】C朗請食飯去唔去?艾夫拿:千祈唔好中計

C朗(Cristiano Ronaldo)在「雙牙大戰」中,一人上演帽子戲法,力抗西班牙無敵艦隊,令他繼續成為傳媒焦點。如果這樣一個萬人迷請你到他的家吃飯,相信很多人都會「僕到去」,但做為曼聯前隊友的法國前國腳艾夫拿(...

2018-06-19 18:17

【世盃慈善王】C朗無紋身 其實有感人原因

放眼在足球場至籃球場,紋身都是一件普遍的事,紋身配搭健碩身型是相當有看頭,但在全球坐擁1.3億粉絲的C朗拿度(Cristiano Ronaldo)竟然一個紋身也沒有,媒體追訪發現,原來背後有感人原因。

2018-06-17 10:55

熱門評論

已複製連結