橙新聞

【穿越都要賣廣告?】唐朝公主嘔血竟然用紙巾? 梅小青五字回應

【穿越都要賣廣告?】唐朝公主嘔血竟然用紙巾? 梅小青五字回應

太平公主手上的是...紙巾?圖:網上圖片

【橙訊】以唐代宮廷為背景的《宮心計2深宮計》,有觀眾特別鍾意找出穿崩位,最新一張就是懷疑太平公主嘔血時,使用紙巾抹血,紛紛質疑「唐朝已經有紙巾用」,不過該劇的總監制梅小青就用五個字回應傳聞:絕對不可能!

有網民cap了幾張的吐血圖,留言話原來「唐朝已經有紙巾用,TVB好厲害」。圖中的太平公主正吐血,手上就拿住一張白色疑似紙巾的物體掩着嘴,網民就質疑她所拿的是紙巾。不過唐代就當然仲未有紙巾啦。

該劇的總監梅小青對此表示「一定不可能」,指太平公主手上的是絲質的絹手巾,「梗係唔係紙巾啦,呢啲絲質絹手巾係我哋特登訂造㗎,有幾款唔同嘅,有啲係純白色,有啲係繡咗花嘅。」

小青姐又預告,劇內有多名女角會吐血,「用白色係因為最能夠突出到吐血嘅畫面,條手巾摺幾大幾細都好講究,要因應吐出來嘅血點樣散開。所以我哋係絕對絕對唔可能用紙巾。」

【穿越都要賣廣告?】唐朝公主嘔血竟然用紙巾? 梅小青五字回應

梅小青(中)表示,觀眾想像力太豐富。圖:星島

責編:李仕奇

編輯:TANGLUN

編輯推薦

【用到盡?】《深宮計》被指植入華為廣告! 網民:喺胡定欣額頭

香港無線電視(TVB)年度重頭劇《宮心計2深宮計》,21日首播,女演員華麗的唐代妝容是其中一個看點,但有網民發現,女主角之一的胡定欣在額頭上的花鈿,竟然與華為的商標十分相似,在網上引發熱論,有人批評TVB為賣...

2018-05-23 10:14

熱門評論

已複製連結