橙新聞

【怪獸家長】母求醫生寫證明准病兒返學考試 網民:重要過條命?

【怪獸家長】母求醫生寫證明准病兒返學考試 網民:重要過條命?
圖:星島

【橙訊】網上流傳一名學童確診患上手足口病,但其母親為了讓小朋友繼續考試,向小朋友表示:「我哋努力咗咁耐,溫咗咁耐書唔可以就咁輸㗎。」她最後求醫生批准上學遭拒,有關母親與護士對話內容被人放上網後,引起網民熱議。

Facebook專頁「診所低能奇觀」周一上載一篇診所護士與家長的對話,指一名家長帶同小朋友診,並查詢可否索取醫生紙證明小朋友無病,可以照常上學,因學校指小朋友發燒,要上學就需要醫生證明。護士表明若小朋友確定無病就可以取證明,「如果有燒或者係啲傳染到人嘅病就唔好返學啦,留喺屋企抖吓啦。」

該名家長隨即指小朋友下周考試,其教小朋友向醫生講大話「你一陣入到去見醫生,記得同醫生講冇事唔痛,可以返學知唔知呀?」她續指:「我哋努力咗咁耐,溫咗咁耐書唔可以就咁輸㗎。」

家長又問小朋友有否不舒服,該小朋友指住自己的口。家長隨即指「嗱,同媽媽講好啦,入到房你係咩事都冇㗎,我哋寫咗張紙就可以繼續返學㗎啦。」

小朋友最終確診手足口病,媽媽求醫生寫紙證明小朋友無病,可以上學,到取藥時更罵小朋友「你點解好病唔病而家呢個時候先病呀?你知唔知你咁病一病咩都俾你搞禍晒呀?」她更指:「真係有冇搞錯,病咋嘛,病唔駛讀書唔駛考試呀?都唔知點做醫生,病又點呀?病可以全世界停低啦?」其後與小朋友離開。

不少網民批評該名母親無視小朋友患病,只顧上學考試,「呢啲家長咁無常識同自私自利」、「考試重要過條命?同埋佢他同學仔嘅健康?」、「名副其實怪獸家長,讀書唔係為咗應付考試,亦都唔需要一定名列前茅」。

責編:李仕奇

編輯:Martin Sheun

編輯推薦

【熱話】老師貼出師生合照遭家長斥責  網民:低估咗怪獸家長

在當今網絡時代,於FB、IG打卡po合照再正常不過,但有實習老師上傳與學生的合照至個人社交平台,卻遭到家長斥責該行為未經許可,「不能接受」。

2018-05-31 14:50

【踏入狗年】兩B女搶閘出生 父母拒做「怪獸家長」

送雞迎狗。踏入大年初一,浸會醫院一名女嬰踏正零時零分搶閘出世。女嬰順產,重5.6磅,父母均為香港人,是新手父母。

2018-02-16 13:35

【怪獸家長】小朋友唔肯熄手機 港媽反怪快運空姐報警

近日有一位媽媽在網上貼文投訴,表示聖誕節當日,乘坐香港快運UO713客機從清萊返香港,指空姐:「大聲叫我小朋友關電話關遊戲機……佢竟然去報警。」她更在網上開名公審該空姐,更指自己會去機管局等投訴。但有同...

2018-01-03 20:03

熱門評論

已複製連結