橙新聞

【九巴車禍】網傳九巴司機錄音 爆粗怒插公司四大不足

音頻來源:網上群組

【橙訊】九巴大埔公路19死嚴重車禍,令外界關注巴士管理及經營問題。網上今日流傳一段懷疑是九巴內部會議的錄音,一名疑似九巴員工力數公司四大不足,包括車長待遇、人手不足、制度等問題,當中粗口橫飛,極具火藥味。九巴工會指,有關錄音是從由車長群組傳出,但並非內部會議。

【九巴車禍】網傳九巴司機錄音 爆粗怒插公司四大不足
九巴司機被控危駕致死。圖:資料圖

根據網上流傳的錄音,一名男子爆粗力數九巴推卸責任,將車禍責任全數諉過巴士司機,「做齊晒所有野,無出錯、無發生交通意、唔遲到,先得萬六七、剩返兩三千點嚟?就係狂OT!呢啲你唔X講?咩都推X晒落巴士司機身上!你唔講吓制度,咩制度促成?」該男子又直言,今次出事的872號線為特別線,極麻煩又危險,沒有全職司機願意駕駛,因此只能找兼職司機,「點解要搵可能有問題或唔成熟嘅司機呀?因為唔X夠司機囉!成件事關鍵都唔X知!」

他又批評,「你將個(司機)個標準提升到同差佬一樣嘛,佢哋有無差佬人工?佢哋有無兩、三萬人工呀?無呀!咁你用乜X嘢警察態度!」

他更點名批評時事評論員黃世澤以德國巴士司機作比較,「你XX!如果香港司機有德國嘅福利、工時同收入,佢哋都可以做到咁X高水平啦!宜家根本問題係請唔夠司機,咁就會有好多兼職司機,佢哋好多時心態都係趕時間、唔認真、唔抵得比人鬧」。

九巴員工協會副理事長郭偉光回應傳媒查詢時表示,有關錄音由車長群組傳出,相信與九巴內部會議無關。他直言,現時九巴長工時、低工資,造成不少人才流失,他以自己為例,入職30多年但工資與20年前沒有分別。他指出,雖然九巴招聘廣告指車長收入可達1.9萬元,但其實是包括獎金及OT,大部分同事為賺滿1.9萬元,需要不斷OT。他直斥,九巴要求車長內外兼修,但沒法提供無相應的福利,更遑論與國際標準去作比較,難以留住人才。

郭偉光又批評,九巴管理層賺到盡,人手不足就以兼職司機代替,當中不少兼職司機只是年輕的巴士迷,「唔當係一份工作,唔珍惜,車品唔好」。他又斥責運輸署監管不足,深水埗城巴奪命車禍後曾承諾改善工時等問題,惟至今仍未有實際行動。

編輯:江純力 責編:陳正偉

編輯:Chen Ching Wai

編輯推薦

【九巴車禍】6名死者舉殯 家屬傷心哭別

大埔公路九巴翻側意外,造成19人慘死。其中5男1女死者,今日在紅磡萬國殯儀館設靈及出殯,各人的親友紛紛送上花牌及到場傷心送別。車禍現場,亦有市民放置祭品,今早有工人在現場為燈柱進行復原工程。

2018-02-14 13:43

【九巴車禍】扮死者家屬呃募捐 25歲女涉行騙被捕

大埔公路巴士車禍奪去19人生命,全城送暖捐錢捐血,惟有騙徒乘機發死人財,訛稱親人遇難籲市民捐款。警方經調查後,今日在旺角拘捕一名25歲姓張女子,涉嫌有犯罪或不誠實意圖取用電腦。

2018-02-13 21:28

【九巴車禍】傷者目擊:乘客指罵不算過分 車速極快全車噤聲

大埔公路造成19人死亡,60多人受傷的九巴車禍。其中一名情況穩定的傷者家屬,早上在電台節目講述母親遇事經過,稱乘客對於車長遲到的抱怨不算過分,而開車後車速很快,無人再敢責難車長。

2018-02-13 14:34

熱門評論

已複製連結