橙新聞

【凑四自由講】尋找他鄉的傑青

文:溫小蘋
大家好我係一個叫溫小蘋嘅傑青,但可能呢次係最後一次我係公開嘅平台承認我係一個傑青,面對今時今日香港嘅社會環境再加上嚴峻嘅疫情,我對香港乜都冇做過,就連派口罩就都冇我份,所以我覺得自己真係枉為傑青亦唔配呢個稱號。

此時此刻,我心在香港但身在異鄉,其實早在香港煙霧瀰漫時,我己華麗轉身帶著四條KING出走,來個尋找他鄉的故事。這件事我一直非常低調地處理,身邊幾乎沒有一位我認識的朋友知道我走了,因為我怕,我怕你誤會我不再愛香港,我怕你以為我放棄了香港,我怕你認為我覺得香港已經無希望,但我更怕「我個內心真係有少少咁諗」。
【凑四自由講】尋找他鄉的傑青

出走呢件事其實計劃已久,同政治無關。只是一直被公務纏身所以沒有成事,直到去年我服侍多年的老佛爺過世,工作上出了些變化亦成了這件事的催化劑。
對於出走我想過很多地方,大概兩三年前,事頭婆嗰邊仲有支歌仔唱叫20萬英磅創業移民,但無奈老公一句咁遠點返嚟探阿爸阿媽而且又咁凍,便馬上要打銷歐美念頭。當時碧桂園勁sell馬來西亞,但MH370事件實在對我太有陰影,事關有個朋友的朋友就在機上從此失聯了,雖然是朋友的朋友但難免會有恐懼, so OUT!

馬來西亞個friend新加坡我就完全冇諗過,唔知大家覺唔覺新加坡人轉數好快又醒目,但就係mean咗少少,其實佢哋唔覺亦唔係有心,就等於好似你會唔會覺得香港人好mean一樣。既然選擇離開香港自然就唔想到一啲同香港人有類似特徵嘅地方度生存啦,so OUT!

泰國啦!泰國唔錯呀! 可以好好地享受,有神拜、有SPA嘆,最緊仲有英國嘅頂尖教育Harrow、Shrewsbury都有,不單止唔使畀幾百萬債券,學費比起我四條KING喺香港讀緊嗰啲仲要平少少。Should be good, right? 但唔好意思,我年近半百你要我去一個我睇唔明佢文字嘅地方,我會好怯, 你諗下如果我而家喺泰國,然後個疫情又越嚟越嚴重,國家有咩政策出唔通你仲要下下靠Google translate?當然有唔少華人在當地,會有group 但實在太被動了,so OUT!

香港人嘅鄉下日本就唔係我杯茶,我公司有代理一些日本產品,跟日本人亦有打過一些交道,不過日本人太robotic,所以去玩very good 去住 not so good, OUT!

大灣區都有諗過,其實珠海唔錯㗎,但大灣人可能又是另一回事…因為我已經跑了二十幾年大灣區,我在大灣區有工廠有辦公室,縱使我的員工都很好但他們的心真正是想什麼,係你做老闆嗰一個永遠都睇唔透,呢個topic可以搵日再同大家詳談。

結果突圍而出竟然係香港人嘅至愛,我的外家--台灣
【凑四自由講】尋找他鄉的傑青

【凑四自由講】尋找他鄉的傑青

為了四條KING學業,我由台北跑到台中再跑到台南,幾乎全台灣的國際學校都畀我拜候過,當中有唔少係喺荒山野嶺中。最終落腳竹北,竹北對很多人來說可能有點陌生,但我很喜歡這裏,來了只是短短的日子,我前所未有的覺得自己重新reboot過,可惜教育方面有點失望,之前報讀了的一間國際學校,跟想像是兩回事,交了學費上了兩個星期便要馬上退學。

疫情當前,我亦不急替他們重新找學校,現在唯有轉行做homeschooling teacher 下次再同大家分享。
責編:林偉德

編輯:Dustin

編輯推薦

【生活智慧】消毒變放毒?消毒酒精膠樽容器要小心挑選

想膠樽將消毒酒精分裝?裝酒精的容器絕對要慎選,不然有可能消毒不成,慘變放毒。

2020-02-14 14:55

【網絡熱話】發現破世界紀錄的扶手電梯!?以假亂真相片引熱話

近日有網民好像拍攝到一條看上去更短的扶手電梯,引起了網民的關注!

2020-02-14 13:42

【網絡熱話】稱似浴缸想浸浴 快餐店員工鋅盤洗澡即被炒

在社交媒體抖音,近日瘋傳一段影片,就是一名男快餐店職員在餐廳的大型鋅盤中洗泡泡浴。

2020-02-14 11:43

熱門評論

已複製連結