橙新聞

林氏作大

哈羅公學、牛津、前大律師 毫無成就但係唔知點解成日被人講 好認真咁滲透住濃濃嘅膠味同不可解釋嘅幽默

【林氏作大】做乜要睇林作寫嘢?

文:林作

做乜要睇林作寫嘢?林作係乜水?我連佢係邊個都唔識啵。唔係XXX,會有人識佢?我唔想見到佢。Don't make stupid people famous. 於是,連呢間網媒嘅編輯都怕咗我,怕且畀我試下寫。

之但係林作呢條友,幾年過去都死唔去仲係度,點解嘅?因為有人睇。又或者係話,事實同網上留言不盡相同。點解會咁?等我講兩點現時社交媒體嘅生態。

1. 冇人可以再 second-guess 任何人。即係話你唔可以預計市場需求。你只可以取悅你自己。一旦你係想取悅其他人,咁你就會變得太埋堆,做人地做嘅嘢。寧願你做100人鍾意睇嘅嘢,都唔要一萬人話佢地睇咗,覺得OK。其實我地都好唔同,每個人只要忠於做自己,攞真正嘅自己出黎,毫無保留、顧及,咁就夠了。

【林氏作大】做乜要睇林作寫嘢?

(資料圖片)

2. 社交媒體係一個揚聲器。0.0001%嘅人喺你講嘅嘢下面留言,傳媒就可以話「言論引起爭議」。其實絕大部份連睇都冇睇過,或者其實毫無意見。但因為個post下面嘅comment同你個post嘅字體一樣、排得夠近,突然間無名網民嘅一句就被放大。我都算有爭議性?只不過係因為太多娛樂圈人,實在冇咩話題可言。

【林氏作大】做乜要睇林作寫嘢?

(資料圖片)

而網民嘅生活就係喺 Facebook 同 Instagram 搵人鬧,搵存在感。即使唔鬧,佢就係要睇完然後覺得係針對佢同冒犯佢,一切都係自戀嘅形式。

但現實係呢啲網民嘅回應,同你行喺中環,有個企喺垃圾桶裡面嘅人對住你叫喊係一個道理,我又點會因為咁樣嘅你講嘅嘢而感受到任何傷害?我唯一嘅錯,係喜歡同一個咁樣嘅你掀起罵戰。點解咁講?因為我俾咗你一種 credence,一種憑證。不過我就係咁好人同抵死,你試下去搵其他半紅不黑藝人玩,睇下佢地有冇咁好氣覆你。我希望我喺接落黎寫嘅嘢,係不斷「冒犯」到你嘅。雖然我連你係邊個都唔識。

責編:林偉德

編輯:Pearl Lo

編輯推薦

【單位生活】—不可多得的本地音樂劇《大狀王》

前晚搶先看香港話劇團音樂劇《大狀王》的預演,一齣難得的大型本地原創的音樂劇,震懾了我整個人。。

2019-05-29 09:09

【生活魔法學】每天的Meditate魔法

我們生活在於訊息爆炸的年代,腦袋長時間忙於處理生活上的大小事,沒有足夠時間去休息,讓我們有機會整理腦袋。Meditation是把我們腦袋內不需要的東西清理掉,重新調整大腦內的空間,是「腦袋整理術」最佳的方法。

2019-05-23 14:08

【太陽落山前,我是一個性治療師】我是不正常嗎?

一般來說,所謂正常都是指跟社會上大部份人相同,可是為什麼跟大部份人不一樣就等於不好呢?而且我們的成長環境及經歷本來就不一樣,行為思想不一樣不是一件再正常不過的事嗎?

2019-05-20 10:59

熱門評論

已複製連結