橙新聞

珍寶豬@診所低能奇觀

任職十幾年嘅診所助理,全科普通科做過,專科做過,連精神科都..……

【診所低能奇觀】拮完要放假

文:珍寶豬

有日一位小姐睇完醫生俾錢後…

佢企喺度唔願走~問我:「姑娘呀,我諗諗吓都係想醫生寫返幾日假紙俾我唞呀?」

我:「但係你…」

我都未講完,佢就爭住講:「我頭先有俾佢拮㗎」

就係呢個『拮』字,引嚟坐喺度等睇醫生嘅叔叔留意到小姐。

我:「你等等先呀,我同你問吓醫生呀,你坐低等等呀」

佢:「我要唔要俾佢睇吓頭先拮成我點呀,佢好大力囉,拮到咁入,佢要唔要翻嚟睇吓我係咪腫咗呀?腫咗我返唔到工㗎!我要唞返幾日㗎」

我:「你坐低等等呀,我同你問醫生呀~」

佢:「你要認真幫我問呀,我真係有需要先咁講㗎咋」

小姐行去坐低後,叔叔眼神疑惑地望望小姐。

好奇嘅叔叔終於忍唔住,佢行咗埋嚟登記處…

【診所低能奇觀】拮完要放假

(資料圖片)

叔叔:「姑娘呀?」

我抬頭:「嗯?係~咩事呀?」

叔叔細細聲:「我想問呀,係咪俾醫生拮就有得放幾日假呀?」

我:「吓?」

叔叔:「平時醫生淨係開一日病假俾我,我俾佢拮吓就有幾日假放?係咪咁呀?」

我:「你講咩呀?我唔係好明你講咩呀~拮咩呀?」

叔叔:「啊!我明我明,唔可以咁公開講呀?」

我:「我唔係好明你講咩呀~你可唔可以講清楚啲呀?」

叔叔表情中有啲失望:「係咪女人專用㗎咋…頭先嗰位小姐…醫生好勁㗎?點解拮吓就要唞幾日返唔到工呀?我應該都頂得順㗎。」

我:「哦~!?你係咪想打流感針呀?每個人對打針嘅反應都唔同嘅~你今日唔係唔舒服咩?唔舒服唔可以打流感針呀,等好返之後先再打啦~」

叔叔眨了眨眼,單手舉起揮揮:「哦哦哦,冇嘢啦」

背影落寞的叔叔行返去坐低…

叔叔,你係咪誤會咗啲咩呀?

責編:Dustin

編輯:Hin

編輯推薦

【診所低能奇觀】壓力測試

佢:「即係我而家啲大便幼咗都可以check到係咪我個肛門壓力太大?」

2018-11-23 14:18

【診所低能奇觀】借廁所

阿姨見軟嘅唔得,嚟個硬嘅,佢拍枱:「哈!好呀!我哋一齊喺度瀨囉!」

2018-11-07 09:14

【診所低能奇觀】怕血的小姐

就死即係未死,未死即係仲有機會有得醫,小姐,你要加油呀!唔好放棄治療呀!

2018-10-19 11:18

熱門評論

已複製連結