橙新聞

【聖誕好去處】D2 Place 周末限定市集 限定逐個捉

攝、剪:Carson
圖、文:Samantha


又到聖誕,又到聖誕!仲有一個月唔夠就到聖誕啦,大家諗好送咩禮物俾朋友未呢?不論你決定好未,小編都有好推介!今個週末,喺D2 Place 又有文青最愛嘅手作設計展啦!今次CRECRA將手作、美食、音樂、讀物、小型插畫展及工作坊集於一身,一次過滿足你「食、買、玩、逛、讀」五大願望。

叫得做手作設計展,又點少得各類嘅創意設計呢!在場有超過50個來自中、港、台的手作品牌,當中更加有唔少創意商品係特意為今次設計展而設計及首次推出,保證大家揀聖誕禮物嘅時候唔怕撞款。

當中有來自香港、設計非常特別嘅鐵皮工作室,佢哋所有鐵都係香港本地設計,紀錄咗唔少本地特色嘅人同事,經典懷舊鐵牌最啱用嚟做裝飾,文藝感即刻急升。

本地插畫家JASONTOMMY同MOMO LEUNG更會一連兩日喺中午12點至下午2點,按每個人嘅個人特色為大家速畫人像。而JASONTOMMY更聯同藍曬工作室Blackcred即興合作,在現場推出藍曬人像,絕對係第二到搵唔到嘅限定商品。`

今次設計展同一般手作市集唔同嘅係,在場有插畫作品展同迷你書展,插畫作品展中展出幾位本地新晉插畫師以今次設計展主題「CRE瀝卡啦聖誕精靈村」嘅作品,而迷你書展就有各類嘅手作及設計書籍,唔只可以「買、逛、讀」,仲可以帶埋返屋企落手做。

小編喺現場行咗一陣,發現今次設計展絕對唔係文青、年輕人嘅專利,在場有PILOT Juice 顏料筆系列體驗工作坊、聖誕掛飾工作坊、藍曬聖誕卡工作坊等活動供入場人士參加,無論係大人細路都啱玩。現場更有「糖霜曲奇親子班」,由甜點大師親自教授用糖霜畫出唔同公仔,活動需要預早報名有興趣嘅朋友可以登入https://buy.mycookey.com,留意返詳情啦。





行到餓餓地,大家不妨幫襯在場嘅熟食攤檔,當中SWIRE COCA-COLA HK特別為今次活動,再次推出共4個不同年份嘅復刻版玻璃樽「可口可樂」,極具收藏價值,一次買晒4款仲有小禮物送,就小編都忍唔住帶晒4款返屋企!


買完嘢食、攰攰地仲可以停埋一邊聽下本地Busker嘅音樂,仲可以順便去埋打卡位照相。

CRE瀝卡啦聖誕精靈村@D2 Place
日期:2018年12月1日至12月2日
時間:中午12時至下午8時
地點:荔枝角D2 Place ONE 2/F The Space


責編︰陳正偉

編輯:OrangeNews Editor

編輯推薦

【紋身展2018】香港國際紋身展開鑼 4大精選逐個睇

一年一度的香港國際紋身展開鑼啦!由香港飛騰刺青Freedom Tattoo與TDL中國紋身發展聯盟會合辦的「第六屆香港中國國際紋身展2018」,將在2018在9月21至9月23日(星期五至日),一連三日,於啟德郵輪碼頭舉行。

2018-09-21 18:23

【實況】全球首個Sanrio手作設計展 Hello Kitty、蛋黃哥都有份

Hello Kitty、蛋黃哥等卡通人物落到一班創意手作人手上,會產生甚麼化學作用呢?PMQ正舉行「Sanrio characters x CRECRA Fair」全球首個以Sanrio人物為主題的創意手作設計展,一連三日免費入場!

2018-06-16 19:35

【現場直搫】想睇、親手整?週末就嚟全港首個「手作設計展」

踏入秋天,正是外出的好時份,但係唔想郊遊、唔想行百貨公司,週末到底有咩節目?就等小編介紹你一個好地方!

2017-10-20 20:14

熱門評論

已複製連結