橙新聞

方以文 睇乜電視啊?

電視迷,未成精。好就讚,唔好就彈。電視以外,電影、舞台劇都啱。視覺刺激為先,有內涵為重。

【方以文 | 睇乜電視啊?】夜晚4小時劇線成形 ViuTV避無可避

文:方以文

10月27日,奇妙變身做「香港開電視」,推出新嘅綜藝資訊節目,當中由志雲大師主持嘅《志雲拆局》同埋項明生主持嘅《明治憑甚麼》得到觀眾嘅支持,成為咗討論度最高嘅77台節目。喺無綫同埋ViuTV周末冇乜睇頭嘅時候,77台轉咗台名之後好似有啲起色,希望可以保持落去。

【方以文 | 睇乜電視啊?】夜晚4小時劇線成形 ViuTV避無可避

(《明治憑甚麼》截圖)

不過呢篇文想講嘅係香港開電視嘅節目新編排。喺星期一至五,77台將HKTV舊劇新播嘅時間,由八點半搬到去十點半,搶攻無綫2230綜藝節目。

開電視借力打力

呢個安排好聰明,啲劇又唔係自己拍,喺HKTV度買返嚟,成本變得好低,雖然係幾年前嘅貨,但仍然有一定嘅吸引力。當然同無綫嘅黃金兩線劇硬撼,要搶佢哋收視近乎冇可能,但依家一個唔覺意遇到2230綜藝弱節目時,就可以成功搶分。

99台之前唔夠膽咁做,係因為佢投資拍劇要一定資金(雖然係少啫都係一舊錢嚟),同無錢2230綜藝劇互撼係冇着數,一避就避埋收視穩定嘅晚間新聞,到2330先播,進可攻退可守。有收視就可以狂煲話個劇吸引,如果收視差可以話個時段嘅收視一向都唔高。

【方以文 | 睇乜電視啊?】夜晚4小時劇線成形 ViuTV避無可避

(《迷失假期》截圖)

ViuTV被迫落場迎戰

不過依家77台將HKTV劇放喺2230之後,99台就有啲危險。免費電視台就由2000開始,一直接力播電視劇,直至0000。四個鐘時間,鍾意煲劇嘅觀眾可以由81睇到77再接99台,咁樣令到本來99台劇集嘅「不敗之地」有暗湧,原先隔咗一隔,依家觀眾直落咁睇,好容易比較到質素高低。

2014年製作嘅《警界線》,到依家2018年拎返出嚟播,拍埋去《是咁的,法官閣下》度一啲都唔失禮,更加將小品風格嘅《迷失假期》冚過。一心想避過劇集方面直接交鋒或者「前後交鋒」嘅ViuTV,就因為77台填咗個空隔位而被迫上戰場,真係始料不及。如果開電視係睇準呢個位去安排,搶收視之餘又拉埋99台落水嘅話,連消帶打,真係高招。如果冇諗過有咁嘅效果,咁就真係好好彩。

【方以文 | 睇乜電視啊?】夜晚4小時劇線成形 ViuTV避無可避

(《警界線》截圖)

99台都係時候諗吓劇集點搞,如果唔係嘅話,避去邊都死。綜藝節目都有咁嘅情況,依家劇集連成一線,要喺星期一至五搶觀眾難上加難。開電視又主攻星期六日綜藝,兩面受敵,要好好計劃吓先得。

責編:玥展

編輯:Hin

編輯推薦

【方以文 | 睇乜電視啊?】2018年台慶劇 無綫力谷二三梯隊上位

不過我認為好睇就得,卡士都係其次。眼見近年咁多套大卡士、大製作都令人失望,依家見到大卡士加埋強宣傳,個心都怯一怯。

2018-10-10 18:06

【方以文 | 睇乜電視啊?】 《TVB周刊》錯失的續命機會

由1997年開始面世,接替《香港電視》成為無綫電視官方刊物嘅《TVB周刊》,會喺今個月完成佢嘅使命,喺十月份首個星期一出版最後一期之後,就要byebye。

2018-09-26 10:59

【方以文 | 睇乜電視啊?】《BB來了》為植入式廣告示範最低標準

《BB來了》上周大結局,喺眾多爸爸媽媽支持之下,成為人氣劇集。部分人如我覺得後半部劇情太散漫主角失焦,但個頭開得好,所以冇阻收視企穩。討論劇情部分喺我Facebook專頁有得睇,今次想講吓呢套劇嘅植入式廣告。

2018-08-10 09:35

熱門評論

已複製連結