橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】職場Free Rider老是常出現?3大應付方法

文:HR小薯蓉
    
Free Rider呢個字通常都係出現喺校園入面。大家分組做Project嘅時候,一個唔好彩遇到永遠唔開會唔做嘢嘅Free Rider真係喊三聲。
    
【收工嘆薯蓉】職場Free Rider老是常出現?3大應付方法

(圖:視覺中國)

以前喺學校都可以同呀Sir,Miss投訴,然後下次唔再同佢一組。但係當呢個問題發生喺公司入面,事情就複雜得多。投訴佢?又驚大家之後面阻阻。唔投訴?又會辛苦咗自己。面對職場Free Ride,大家可以參考下呢啲應付方法。
  
1.伸出你嘅友誼之手
    
當你發現某人有意Free Ride,先唔好咁激進即刻入房投訴,因為老細最唔鍾意下屬有呢啲紛爭。你可以嘗試伸出友誼之手,同佢單獨傾下先。啲人通常嘅藉口都係話自己好忙,唔得閒做,呢個時候你可以了解下有咩忙,有咩可以幫到佢。如果佢仲有啲良心,佢應該會明白你想幫佢,然後乖乖地合作。
    
2.令佢覺得自己好重要
    
有好多人冇責住感,係因為自己一直都唔受重視,從來冇人要佢擔起責任。要呢種人做嘢,首先要令佢覺得自己好重要。
    
「我地唔識做,係可唔可以指教下?」
    
【收工嘆薯蓉】職場Free Rider老是常出現?3大應付方法

(圖:視覺中國)

「呢度可唔可以畀啲意見我地呀?」
    
「你好叻呀!咁都識嘅?」
    
每個人都希望自己受到重視,當佢認為自己有用嘅時候,自然會肯花多啲心機落件事度。
  
3.幫佢做曬佢
     
【收工嘆薯蓉】職場Free Rider老是常出現?3大應付方法

(圖:視覺中國)

對方屢勸不改,咁啲嘢最後都唔可以冇人做,唔係就攬住一齊死。冇辦法之下你都要完成件事,不過最重要嘅係,你要畀人知道件事係由你去完成。同時,要畀老細知道你有嘗試同對方溝通,希望大家可以合作,只係對方最後都拒絕。最好係有白紙黑字嘅E-mail保障返自己,不至於辛苦完連功勞都要畀埋對方。
       
責編:李玥展

編輯:Stacy

編輯推薦

【收工嘆薯蓉】 Home Office其實唔容易

雖然Home Office好過日日同人逼車返工,不過有時實行起上嚟又真係未必咁容易。

2018-10-09 09:15

【收工嘆薯蓉】返工要保持冷靜 有咩關埋門慢慢傾

爆炸姐對佢幾位下屬經常呼呼喝喝,好似叫工人做嘢咁。佢地形容爆炸姐就好似一個計時炸彈,好似隨時都會爆咁。終於有一次,爆炸嘅威力達職場原子彈級數,受害者係佢嘅下屬汽油先生。

2018-09-26 13:58

【收工嘆薯蓉】每次Handover都是惡夢的開端

無論轉工定放假,如果你唔將你嘅工作交低畀其他同事,你老細肯定做鬼都唔放過你。

2018-09-14 09:37

熱門評論

已複製連結