橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】返工要保持冷靜 有咩關埋門慢慢傾

文:小薯蓉
  
薯仔公司嘅銷售部有一位經理叫爆炸姐,聽個名都知佢係難應付啦。爆炸姐出名氣勢強、聲音大、手段狠。作為一位經理,當然會有幾位下屬幫佢手,但相信大家都想像到,面對一位咁爆嘅上司,呢幾位下屬嘅日子都唔會好過得去邊。
  
【收工嘆薯蓉】返工要保持冷靜 有咩關埋門慢慢傾

(圖:視覺中國)

根據佢地周圍嘅同事報告,爆炸姐對佢幾位下屬經常呼呼喝喝,好似叫工人做嘢咁。佢地形容爆炸姐就好似一個計時炸彈,好似隨時都會爆咁。終於有一次,爆炸嘅威力達職場原子彈級數,受害者係佢嘅下屬汽油先生。
  
汽油先生喺爆炸姐手底做嘢都有幾個年頭,係頂得佢最耐嘅老臣子。平時汽油先生唔係好大脾氣,但係今次同爆炸姐火上加油,威力屢穿整個office。
  
今次嘅爆炸導火線係一個project嘅意見不合,話說佢地初初喺汽油先生個位度討論,突然講講下爆炸姐率先爆炸。
  
「你識做咩?你做我個位吖?而家邊個係你老細呀?」
  
爆炸姐好似平時咁鬧人,但佢估唔到汽油先生今次竟然大反擊。
  
「我一早提咗意見畀你啦!成日一意孤行唔肯聽人意見!」
  
之後佢地開始互相對罵,聲浪一浪高於一浪,全個office都聽到,引嚟所有同事嘅奇異目光。最慘嘅係,佢哋唔知道公司個大客嘅CEO呢個時候剛剛上咗嚟,佢就喺佢地旁邊行過,望住佢地皺曬眉,心諗呢兩條友做咩咁樣衰,大大聲喺公司度吵鬧。
  
出嚟迎接嘅大老細亦都心知不妙,即刻親自走出嚟制止爆炸姐同汽油先生。佢地見到黑曬面嘅老細先心知不妙,即刻停止對罵,返返自己個位做嘢。
  
【收工嘆薯蓉】返工要保持冷靜 有咩關埋門慢慢傾

(圖:視覺中國)

就喺第二日,HR就接到大老細通知,叫我地諗方法處理下呢件事,由調查到聽雙方陳詞,直至宣判出warning都要由HR負責。
  
雖然最後都表示只係一時火遮眼,但咁樣落去都係遲早再爆過。其實佢地嘅爆炸都離唔開壓力問題,如果當時大家冷靜少少,入房坐低關埋門慢慢傾,就唔會攪到咁大件事。
  
最後佢地被公司邀請去搵專業人士做情緒輔導,希望可以改善佢地處理壓力嘅方法。
  
而家員工嘅心理問題、壓力問題、情緒問題都係HR要處理嘅範疇。HR要識查案、心理學、Coaching、談判技巧,大把嘢等住要學,遲啲可能要買部測慌機擺喺公司看門口。
  
責編:李玥展

編輯:Stacy

編輯推薦

【收工嘆薯蓉】每次Handover都是惡夢的開端

無論轉工定放假,如果你唔將你嘅工作交低畀其他同事,你老細肯定做鬼都唔放過你。

2018-09-14 09:37

【收工嘆薯蓉】淘寶可怕的4大原因

唔知你有冇試過,往往你啱啱淘完又會發現有嘢想買。買平嘢就好似會上癮一樣,當每次你發掘到又平又抵嘅貨品,腦部就會產生多巴胺令你感到滿足感。多巴胺會令人上癮,然後你又會再去尋寶,結果好快又再買再集運。...

2018-08-15 09:30

【收工嘆薯蓉】3個一定要去畢業旅行嘅理由

嚟到7-8月,發現收多好多畢業生嘅CV。近呢幾年,接收畢業生CV嘅時間性有向後延遲嘅催勢。以前喺上一年嘅年尾,已經開始收到好多畢業生嘅CV,但而家去到6、7月,大家去見工都話啱啱去完旅行返嚟,而家先開始搵工。

2018-07-20 11:16

熱門評論

已複製連結