橙新聞

珍寶豬@診所低能奇觀

任職十幾年嘅診所助理,全科普通科做過,專科做過,連精神科都..……

【診所低能奇觀】唔係鼻水,咁係乜?

文:珍寶豬
  
有日有位小姐嚟到診所。
  
佢行埋嚟登記處問我:「我有啲嘢呀好似?」
  
我:「睇醫生?麻煩你俾身分證我登記啊。」
  
佢:「你同我睇咗先得唔得呀?」
  
我:「我同你睇冇用㗎。」
  
佢:「女人嘢嚟喎。」
  
睇完又點呀?醫嘅都係靠醫生嘅啦~
  
我:「俾醫生睇啦~醫生先係幫到你嗰個。」
  
佢:「唔係呀,我好似有啲嘢引流倒流之類咋。」
  
【診所低能奇觀】唔係鼻水,咁係乜?

(圖:視覺中國)

  
咩叫引流呀…我見識少,真係唔知~
  
我:「吓?」
  
佢抬高頭,擘大兩個鼻哥窿:「呢度呀。」
  
我:「你都係俾醫生睇啦,麻煩你俾身分證我呀。」
    
佢繼續抬高頭講:「嗱嗱嗱,又出嚟啦,嚟啦。」
  
我望住鼻窿…鼻水咋嘛!
   
我:「哦~流鼻水呀?睇醫生啦~」
  
佢:「唔係鼻水嚟㗎,我自己有冇病唔通我唔知咩?」
  
我覺得自己好無知:「咁係咩嚟呀?」
  
佢:「我噚晚做完呀。」
  
我:「做完咩呀?」
  
佢細細聲:「愛呀。」
我:「哦~做愛…」
   
同個鼻有關係嗎?你凍親嗎?下次唔好咁光脫脫囉~
   
佢:「咁你明啦。」
   
我:「哦~凍親睇醫生啦,身分證啊。」
  
佢好大聲:「唔係呀!到底有幾難明呀?唔係鼻水嚟㗎!你睇唔到佢係白白哋色㗎咩?應該係精嚟㗎!我男朋友啲嘢嚟㗎!」
  
你哋玩鼻交嗎?你個鼻咁都冇爆…唔通…不如一槍打爆我個頭啦?呀~都係唔好,都係一槍打爆佢個頭好。
  
我望望佢:「你男朋友嗰啲冇咁稀啦。」
  
我哋嘅世界靜止了。
  
佢:「你又知我男朋友嗰啲係點?你見過咩?你又知?」
  
我:「不如都係睇醫生啦,有咩都係同醫生講啦。」
  
佢:「你講清楚先點解你會知我男朋友嗰啲係點呀?吓?你哋有啲咩呀?你知我男朋友係邊個咩?吓?」
  
【診所低能奇觀】唔係鼻水,咁係乜?

(圖:視覺中國)

小姐,我唔係太好意思直接同你講『你用吓個腦都知啲精唔會倒流上個鼻度啦!』,但係我真係好想講呀。
  
我:「精液呢…應該冇咩機會喺個鼻度流返出嚟嘅,如果你係用正常體位。」
   
佢又抬高頭:「咁呢啲係咩呀?白白濁濁㗎!你答我呀!」
  
我:「俾個機會醫生答你呀,身分證呀。」
  
佢拎出身分證:「好,我就睇你哋點答!」
  
最後:鼻水。
    

編輯:Stacy

編輯推薦

【診所低能奇觀】使用暴力的媽媽

無論咩事都好啦,都唔好喺小朋友面前使用暴力啊,閂好門打到翻轉都仲得啊~

2018-08-28 15:20

【診所低能奇觀】病假紙

佢諗咗陣:「點解我平時去政府醫院會一大袋藥嘅?佢哋都係十幾蚊咋喎?」

2018-08-09 09:38

【診所低能奇觀】病人叫醫生執牛屎

佢放低一袋藥上枱面,冇出一句聲。 我:「做咩呀?袋藥你嘅?」 佢推前袋藥,打打眼色示意我睇睇,我拎啲藥出嚟望:「配藥呀?」

2018-07-26 09:57

熱門評論

已複製連結