橙新聞

方以文 睇乜電視啊?

電視迷,未成精。好就讚,唔好就彈。電視以外,電影、舞台劇都啱。視覺刺激為先,有內涵為重。

【方以文 | 睇乜電視啊?】《BB來了》為植入式廣告示範最低標準

文:方以文
   
《BB來了》上周大結局,喺眾多爸爸媽媽支持之下,成為人氣劇集。部分人如我覺得後半部劇情太散漫主角失焦,但個頭開得好,所以冇阻收視企穩。討論劇情部分喺我Facebook專頁有得睇,今次想講吓呢套劇嘅植入式廣告。
  
避免大頭肉酸產品鏡頭
    
冠名贊助嘅嬰幼兒牌子,啲產品喺劇裡面出現得非常之合理順暢,最大原因係因為套劇真係講嬰幼兒成長,將啲產品放落去劇情中間,完全唔突兀。我估呢個廣告商都好明白觀眾對於乜嘢形式嘅植入式廣告係反感,乜嘢係接受,所以好醒目咁將啲產品融入咗喺畫面當中,好少出現一啲大特寫鏡頭。 終於有廣告商明白個遊戲點玩。
  
【方以文 | 睇乜電視啊?】《BB來了》為植入式廣告示範最低標準

【方以文 | 睇乜電視啊?】《BB來了》為植入式廣告示範最低標準

另一方面,今次亦都要讚吓無綫,終於發揮到Big Big Channel嘅補位能力。贊助商嘅廣告可以放落去大台網度,變咗做兩位主角或者其他角色嘅直播,大台網更加喺劇集播放後段開咗個父母專區食住個勢,呢啲全部都可以賣錢,但又唔會影響劇情同埋觀劇感覺。
  
良好植入式廣告有助進步 
    
最重要係咁樣嘅植入式廣告對套劇係有正面作用。首先唔再有肉酸產品大頭鏡頭阻住觀眾睇劇,其次係有廣告收入。最重要係有動力令套劇做得好啲,劇情吸引,觀眾想了解更多,就會去第二個平台自己搵資料。當然個個平台都可以做呢啲事,但知道劇情發展嘅第一手資料始終都係喺無綫手上,近水樓台先得月,賣橋畀廣告商自然有優勢。
  
【方以文 | 睇乜電視啊?】《BB來了》為植入式廣告示範最低標準

【方以文 | 睇乜電視啊?】《BB來了》為植入式廣告示範最低標準
資料搜集更容易更穩健
  
另外,得到咗廣告商冠名贊助嘅劇集,喺資料搜集方面亦有優勢。今次嬰幼兒喺唔同成長階段需要啲乜,劇組係寫得好仔細同清楚,當然咁樣唔可以抹煞製作團隊嘅努力,但係喺贊助商嘅「監督」之下,資料唔可以出錯,就成為第一條件,有助劇集打好基礎。
  
教育廣告商為當務之急
   
喺通訊局開綠燈允許2018年7月尾開始,電視劇可以有㨁入式廣告之後,希望電視台可以用《BB來了》作為植入式廣告嘅新標準,咁樣嘅情況之下,最好嘅發展就會係啲劇會愈來愈紥實、電視台有更多廣告收入、想知道多啲資訊嘅觀眾又可以得到佢哋想要嘅嘢。
  
【方以文 | 睇乜電視啊?】《BB來了》為植入式廣告示範最低標準
不過最大難關我估唔喺劇組身上,有邊個唔知道啲大頭產品鏡頭又肉酸又hard sell呀?我諗淨係得廣告商自己唔知。所以電視台最緊要喺令到廣告商明白,點樣sell自己產品先有效,點樣先唔會令觀眾反感。你睇吓《BB來了》同劇嘅珠寶商植入廣告,真係血淋淋嘅比較,相形見絀,仲畀人一種追唔上時代嘅感覺,何必呢? 
  
責編:李玥展

編輯:Stacy

編輯推薦

【方以文 | 睇乜電視啊?】《全民造星》想靠惡毒反面去搶收視?

本來想睇一班男仔嘅熱血故事,依家變咗睇佢哋畀人日日潑冷水,仲要潑嗰個好似唔知自己做緊乜咁。

2018-07-31 10:24

【方以文 | 睇乜電視啊?】無綫裁員促製播分途? 隨時危機四伏

講到尾,行唔行製播分途模式唔係關鍵。電視台唔打算做好嘢嘅話,點變都冇用。

2018-08-07 11:52

【方以文 | 睇乜電視啊?】無綫體育組解散 專業不敵速食必招後患

對於觀眾最大衝擊嘅,係同樣遭到滅門嘅體育組,因為佢哋製作嘅體育品牌節目《體育世界》要一齊死,結束38年嘅播放生涯。

2018-07-13 10:22

熱門評論

已複製連結