橙新聞

香港主場

SLAB以香港最初型號的公共房屋命名,由四位於屋邨成長的伙伴建立,希望透過籃球來喚起大眾對香港在地文化的關注

【香港主場】屋邨籃球場之香港特色

文、圖:Jason Yip@SLAB
  
香港地少人多,好多市民都係住喺公共屋邨(下稱:公屋)或者喺屋邨環境下成長,殖民地時代政府其中一樣最出色嘅地方就係公共屋邨規劃,為安頓基層市民同埋隨住社會變遷,喺 80 年代起就興建具有主題式花園及提供多樣康樂設施嘅屋邨,俾居民休憩使用。我哋會喺唔同嘅屋邨入面都會見到籃球場嘅存在,呢點真係要多謝當時嘅政府規劃,一切都以解決民生議題為先實屬德政。
  
【香港主場】屋邨籃球場之香港特色
講開屋邨球場,打開波嘅波友會俗稱屋邨場為「細場」,康文署管轄嘅為「大場」。以前 80、90 年代,打得勁嘅會去大場打,多人得濟或者唔想行咁遠嘅會去「細場」打,兩者各有特色,其實好多都好正!舉例有早期同大家介紹過嘅啟業邨、長發邨、安定邨等球場,莫講話全港獨有,甚至乎係全球獨有!
【香港主場】屋邨籃球場之香港特色

【香港主場】屋邨籃球場之香港特色
因應香港狹小嘅環境而遷就球場,雖然講出嚟好笑,但諗深一層都好有人情味,為咗俾居民可享有更多設施同空間,就算位置唔係好啱都放個球場入去,所以絕對相信大家見過一啲唔合規格嘅球場,例如成個球場嘅比例縮細咗,又或者條邊線同三分線連成一體等,真係千奇百趣乜都有!
   
【香港主場】屋邨籃球場之香港特色
【香港主場】屋邨籃球場之香港特色
我哋打開波嘅細個時有個籃球架已經好開心,理得佢劃線劃成點吖係咪?只不過部分香港人太吹毛求疵,經常少少嘢就投訴唔合規格要拆除,但佢哋冇諗到我哋打波有時候只要有籃球框,就可以練到射波或進行簡單鬥波練習,並唔係所有嘢都要完全符合規格先叫做好。呢類細小嘅屋邨球場都係特色之一,大家打波之餘不妨多留意一下身邊事物,總有意想不到嘅收鑊。
責編:李玥展

編輯:Stacy

編輯推薦

【香港主場】射波刻意「攝腳」?切忌打波無品

打波時積極硬朗可以接受,就算惡名昭彰亦唔等於要茅或者係刻意令人受傷。大家打波時如果遇到啲咁嘅對手,必需要出聲強烈譴責!我哋打籃球都係為咗開心,又唔係打 NBA,勝負完全唔及個人品德操守重要,要記住打波...

2018-03-07 14:07

【香港主場】學界籃球賽 當贏不讓的青春火花

「當 贏 不 讓」四個字好像在心中引發出莫名奇妙的感動,我想大概是喚醒了那顆熱愛籃球的赤子之心,喚醒了二十多年前的自己,那個對於爭勝竭盡所能、堅持信念、敢於嘗試的自己,那不正正就是現在的我們所需要的力...

2018-02-12 12:16

【香港主場】我介紹過嘅彩虹邨球場 變打卡熱點 ……

近日收到唔少傳媒朋友打電話俾我,問我點睇彩虹邨籃球場成為打卡聖地,而導致居民感受到滋擾一事。話會唔會後悔幾年前喺網頁同社交平台上大力推介彩虹邨籃球場咁話……

2018-02-06 11:38

熱門評論

已複製連結