橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】3個一定要去畢業旅行嘅理由

文:HR小薯蓉
  
嚟到7-8月,發現收多好多畢業生嘅CV。近呢幾年,接收畢業生CV嘅時間性有向後延遲嘅催勢。以前喺上一年嘅年尾,已經開始收到好多畢業生嘅CV,但而家去到6、7月,大家去見工都話啱啱去完旅行返嚟,而家先開始搵工。
  
【收工嘆薯蓉】3個一定要去畢業旅行嘅理由

(圖:視覺中國)

時至今日,去畢業旅行已經幾乎成為指定動作,差在會去幾遠或去幾耐。好多人話去完旅行先搵工,啲工都畀人搵曬啦。但其實唔駛咁擔心,啲工冇咁易畀人搵曬嘅,反而唔去旅行你先可能會後悔。
  
1.死黨嘅回憶
  
畢業出嚟做嘢,你成班同學就會各散東西,想約埋成班同學去旅行嘅機會只此一次。好記得當年我畢業,同班同學去旅行,去完之後大家都話每年都要一齊再去一次。但事實係嗰次之後,我地再冇一年約得齊人,結果再冇機會咁樣去一次旅行。同你班死黨製造呢個回憶嘅機會,呢世可能只此一次,千祈唔好咁輕易錯過。
  
2.自我發現之旅
  
【收工嘆薯蓉】3個一定要去畢業旅行嘅理由

(圖:視覺中國)

老老豆豆,講真有幾多畢業生一畢業出嚟就好清楚自己想做咩?當年呀爸呀媽話,最緊要就係讀個Degree,讀完個Degree,讀嗰科咪做嗰科嘅嘢囉。但我見過好多人做咗好多年先發現,原來自己對呢樣嘢根本冇興趣,到時想轉就已經太遲。如果你肯好好利用呢個旅行,認識自己、尋找自己嘅興趣及方向,搵工行啱條路,比起8+1衝去搵工,對你嘅將來會係更加決定性。
  
3.擴闊眼界
  
【收工嘆薯蓉】3個一定要去畢業旅行嘅理由

(圖:視覺中國)

香港雖然係國際都會,但唔走出去就唔知世界有幾大。去畢業旅行唔好淨係識去日韓shopping,可以嘅話去多幾個國家,睇下其他城市係點樣運作、認識當地人嘅文化、識一點外國朋友。將來開始做嘢,隨時可以將你旅行嘅見聞應用喺工作上面。
  
唔好睇少畢業旅行嘅重要性,呢件絕對係人生bucket list必做嘅事情之一。
    
責編:李玥展

編輯:Stacy

編輯推薦

【收工嘆薯蓉】電影金句可以改寫人生?

電影短短個零兩個鐘,好多時好多對白都啟發人心。我成日覺得好嘅編劇係可以改變世界,因為呢個世界有好多人嘅人生,可能會因為呢啲對白而改寫。

2018-05-23 09:25

【收工嘆薯蓉】職場自我保護症候群

喺職場入面,好多人為咗保護自己不惜一切,置公司、團隊利益於不顧,寧願攬住一齊死都唔肯張開防護罩伸出援手。呢種過度保護嘅行為,喺非正常人類研究所入面有個學名,我哋稱之為:過度自我保護症候群。

2018-05-17 10:23

【收工嘆薯蓉】終生作文題:我的志願

到咗有一日,大學雞終於讀完書要畢業了。佢出去搵嘢做,第一次去見工畀人問嘅第一條問題竟然就係同「我的志願」好相似嘅問題:「你到底想做啲咩?想搵份點樣嘅工作。」佢聽到之後啞咗……

2018-04-16 17:49

熱門評論

已複製連結