橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】4種睇波女友,邊種係你最愛?

文:HR小薯蓉
  
【收工嘆薯蓉】4種睇波女友,邊種係你最愛?

(圖:視覺中國)

世界盃進行得如火如荼,作為一個男人,晚晚收工趕返屋企係非常合理嘅事,但係咪合法就要問過女友先。不過而家香港都有好多女仔睇波,喺男友影響下,穿起愛隊戰衣,出雙入對嘅情侶周街都係。我喺咖啡店扮緊偽文青寫緊呢篇文章嘅同時,就有一對身穿阿根廷戰衣嘅情侶喺面前飄過,一定係準備今晚一齊支持阿根廷。睇波嘅女仔相信大家都見唔少,你身邊嘅佢又係邊一種?
  
1.狂熱型
  
【收工嘆薯蓉】4種睇波女友,邊種係你最愛?

(圖:視覺中國)

佢對足球嘅狂熱程度勁過男人,開波時間表仲清楚過你,西班牙國家隊成員全部都識,最新轉會消息仲update過講波佬。如果你都係足球狂迷,一定要好好珍惜呢個女友,佢絕對係你嘅soulmate。
 
2.睇靚仔型
  
唔少女仔都會為睇靚仔而睇世界盃,特別會陪你睇葡萄牙嘅比賽,目的係為咗J下C朗。如果你想佢畀你睇曬成個世界盃,最好望葡萄牙順利殺入決賽。為避免葡萄牙提早出局後禁止你睇世界盃嘅慘況,建議你介紹多幾個靚仔畀佢J,例如法國嘅基奧特、比利時嘅夏薩特、日本嘅本田圭佑、哥倫比亞嘅洛廸古斯⋯⋯最好32隊都搵個畀佢睇。
  
3.每事問型
  
「乜嘢係越位?」相信都係各位男友一定解釋過嘅問題。除咗唔知咩係越位之外,可能佢仲會問你「幾多張黃牌先出場?」、「中國隊幾時踢?」、「碧咸係咪有份踢?」、「費達拿踢邊隊?」成場波答問題多過睇,辛苦曬喇。
  
【收工嘆薯蓉】4種睇波女友,邊種係你最愛?

(圖:視覺中國)

4.明白事理型
  
呢種女友最明白事理,佢好清楚四年一度世界盃,絕對係男人嘅浪漫。你鍾意咪約埋成班男人睇,佢自己會搵節目、搵劇煲,完全唔會畀說話你聽。如果你一支公喺屋企睇波,佢會陪你一齊睇,入波會同你一齊興奮,失波會安慰你,係真女神呀!
  
責編:李玥展

編輯:Stacy

編輯推薦

【收工嘆薯蓉】電影金句可以改寫人生?

電影短短個零兩個鐘,好多時好多對白都啟發人心。我成日覺得好嘅編劇係可以改變世界,因為呢個世界有好多人嘅人生,可能會因為呢啲對白而改寫。

2018-05-23 09:25

【收工嘆薯蓉】職場自我保護症候群

喺職場入面,好多人為咗保護自己不惜一切,置公司、團隊利益於不顧,寧願攬住一齊死都唔肯張開防護罩伸出援手。呢種過度保護嘅行為,喺非正常人類研究所入面有個學名,我哋稱之為:過度自我保護症候群。

2018-05-17 10:23

【收工嘆薯蓉】終生作文題:我的志願

到咗有一日,大學雞終於讀完書要畢業了。佢出去搵嘢做,第一次去見工畀人問嘅第一條問題竟然就係同「我的志願」好相似嘅問題:「你到底想做啲咩?想搵份點樣嘅工作。」佢聽到之後啞咗……

2018-04-16 17:49

熱門評論

已複製連結