橙新聞

辦公室日報x聶瞳

我哋呢幫打工仔,一生一世為錢幣做奴隸。

【辦公室日報|聶瞳】當你遇到一個揀平唔揀靚嘅老細……

文:辦公室日報x聶瞳
  
做過In Hourse HR嘅我好明白,求職者嚟見工填嘅expected salary,真係會影響到受聘機會,同公司目標價差一萬幾千就冇嘢好講。有時只係差一千幾百,老細都會試個平嘅,唔使解釋啦,慳得就慳吖嘛,佢哋會覺得全部求職者都有手有腳,咁既然一個萬五,一個萬四,梗係揀萬四啦。
    
【辦公室日報|聶瞳】當你遇到一個揀平唔揀靚嘅老細……

(圖:視覺中國)

活生生嘅例子我遇唔少,提咗佢Marketing呢個位嚟講,A君點睇都差啲,因為佢以前間公司將啲職務分得好細,所以A君識做嘅嘢比較單一,好多Marketing Job仲要係判出去搵Agency做,唔使落手落腳。反而B君喺一間細公司做,由於冇Budget,乜都要一腳踢,變相練成一身好武功,但老細係都唔聽,著眼於A君expected salary平過B君一千。其實B君識嘅嘢,同A君點止差一千,佢唔叫萬八都好厚道,你呢一千仲同佢計。
    
老細點會聽我講,梗係請咗A君啦,結果係點?咪就係A君完全做唔掂,要請多個人幫佢囉,咁成件事就唔係萬四喇,係雙倍再多啲,過咗兩個月之後,老細仲炒埋A君,叫我打返畀B君問佢做唔做,人哋身懷絕技,會唔會兩個月都搵唔到嘢做呀?新工有萬七添啦,老細呢個時候先晃然大悟,叫我問下B君平手萬七嚟唔嚟?對方唔制先至再登稿請人,我睬佢都有味,直接登稿請人啦,豬咗一次仲唔夠,面係人哋畀,架係自己丟呀老細。
  
【辦公室日報|聶瞳】當你遇到一個揀平唔揀靚嘅老細……

(圖:視覺中國)

搵個幫到手嘅人係無價,拘泥一千幾百真係好無謂,人唔係一件貨,唔係下下鬥平鬥賤就係好,咁樣請人只會得不償失。
  
責編:李玥展

編輯:Stacy

編輯推薦

【辦公室日報|聶瞳】我自小就接受特訓 將來應該係好老公

我覺得自己將來會係一個好老公,因為我會好有耐性去聽老婆講嘢,就算對方廚藝好差,只係煮得一手劣食,我都會欣然接受同埋食晒佢,事關我受過特訓,係由細到大受到聶媽媽嘅嚴格訓練。

2018-05-11 14:12

【辦公室日報|聶瞳】公司最重要嘅資產係員工 好員工先留得住啲客

好多老細以為自己公司最重要嘅資產係客人,呢個觀念係大錯特錯,其實一班員工先係基石,你對班下屬好,佢哋自然想幫你打工,幫你攞多啲生意,因為大家都想長做長有,點會想你衰?

2018-05-03 14:28

【辦公室日報|聶瞳】做邊一版嘅記者最易轉行?

大家知唔知邊一版嘅記者最易轉行同搵工?今期要揭曉喇,係副刊呀,你哋估唔估得中呢?

2018-04-26 12:15

熱門評論

已複製連結