橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】職場自我保護症候群

【收工嘆薯蓉】職場自我保護症候群

(資料圖)

文:HR小薯蓉
  
喺職場呢個充滿邪惡嘅地方,玩弄辦公室政治嘅惡魔隨處可見,如果唔識保護自己,就好容易被人卸膊被人蝦。不過保護自己當然係需要,但如果將自己嘅絕對領域張得太開,就有可能會變成影響工作嘅障礙。
  
喺職場入面,好多人為咗保護自己不惜一切,置公司、團隊利益於不顧,寧願攬住一齊死都唔肯張開防護罩伸出援手。呢種過度保護嘅行為,喺非正常人類研究所入面有個學名,我哋稱之為:過度自我保護症候群。
     
疾病成因
  
呢個病主要嘅成因有三個:
   
1.負面心態
   
成日抱住做又36,唔做又36嘅心態,對工作缺乏熱誠自然唔會考慮公司其他需要。沒有進步嘅動力,充滿負面嘅思維。
    
2.被人欺負過
  
可能曾經有過「成年」陰影,試過因為唔識保護自己而受過教訓。從此決意收埋自己,唔再願意做多少少。
   
【收工嘆薯蓉】職場自我保護症候群

(資料圖)

3.唔做唔錯
  
正所謂唔做唔錯,多一事不如少一事,唔幫就唔會有事。為咗保護自己唔會孭鑊,決定唔再冒險接受新工作。
   
疾病徵狀
  
病人經常將呢啲說話當做口頭禪:
「唔關我事喎!做咩搵我?」
「呢單嘢唔係我做㗎喎!」
「我已經好多嘢做!你搵第二個啦。」
  
病情較輕嘅,可能一個月聽到一兩次、但病情重嘅可以係一星期聽幾次,甚至一日聽幾次。每次有新工作安排畀佢,佢都拒絕接受,久而久之更令自己失去進步嘅機會。
   
治療方法
    
如果你身邊有個咁嘅同事,首先請佢不要放棄治療。最直接係share呢篇文章畀佢睇等佢知道自己有問題,不過你可能會死得好慘。
  
要治療呢個病,時間係最重要,首先要多啲關心佢,同佢建立親和力先,等佢慢慢放下防護罩之後先再同佢傾下個問題。之後就要對症下藥,搵返令佢起防護罩嘅原因,例如如果佢係因為曾經有過唔好嘅經歷,就應該幫佢搵返當時出事嘅原因,令佢明白除咗保護自己之外,其實有其他方法去解決問題。畀少少耐性佢哋,假以時日,自然藥到病除。
  
責編:李玥展

編輯:Stacy

編輯推薦

【收工嘆薯蓉】終生作文題:我的志願

到咗有一日,大學雞終於讀完書要畢業了。佢出去搵嘢做,第一次去見工畀人問嘅第一條問題竟然就係同「我的志願」好相似嘅問題:「你到底想做啲咩?想搵份點樣嘅工作。」佢聽到之後啞咗……

2018-04-16 17:49

【收工嘆薯蓉】三大貼士 話你知旅行點先可以有艷遇?

其實旅行艷遇呢樣嘢唔係好似睇戲咁容易發生,就算發生,係好事定壞事都冇人知。雖然我未必可以教你點樣有艷遇,但可以話你知點樣可以識到多啲朋友,因為識朋友永遠係打開關係嘅第一步。

2018-04-12 12:16

【收工嘆薯蓉】如果老細難頂 不妨睇多幾套恐怖片…

如果你返工壓力大,就更加要睇多幾套恐怖片,或者買多幾套DVD喺屋企旁身,準備畀老細嚇完,返屋企再嚇一嚇自己減壓。

2018-03-08 12:01

熱門評論

已複製連結