橙新聞

珍寶豬@診所低能奇觀

任職十幾年嘅診所助理,全科普通科做過,專科做過,連精神科都..……

【診所低能奇觀】產後抑鬱好常見 要靠身邊人體諒幫助走出黑暗

文:珍寶豬

有日一位姨姨嚟到~

佢喺登記處前左望望右望望,一時面向我,一時又轉返身想走咁。

我問佢:「係咪睇醫生呀姨姨?」
佢欲言又止:「我…都係冇嘢啦~」
我見佢個樣怪怪哋咁:「係咪有啲咩事呀?你可以同我講喎?」
佢:「又唔係我有事嘅…我唔知點開口講你知呀…」
我:「咁係邊個唔舒服呀?佢嚟唔到睇醫生呀?」
佢:「我個女呀,佢而家坐緊月…」
我:「佢邊度見唔舒服呀?傷口好痛?」
佢:「佢返咗嚟幾日㗎啦,我真係唔知點講呀」
我:「你飲唔飲水呀?我斟杯水俾你先?你可以慢慢諗吓先,如果你個女唔舒服嘅,你嚟得診所都係想幫你個女啫,身體上有咩唔妥唔舒服都可以同我哋講喎」
佢諗咗陣:「佢好似有啲唔妥呀」
我:「佢有啲咩唔妥?」
佢指指個頭,手指打圈,做出我哋平時話人傻傻哋嘅動作:「呢度呀」
我:「佢做咗啲咩令你咁覺得啊?」
佢:「佢返咗嚟幾日都冇落過床…自己個仔都唔理…我見佢喊…有時半夜佢自己會一個人喺度喊…」
我:「幾日都冇落過床嘅話,佢自己照唔照顧到自己呀?BB去健康院呢?有冇去呀?」
佢:「我有幫過吓手...不過佢都好似唔知咩事咁,我唔知點講你知,係好似越嚟越差,我個女本身係唔多勤力嘅,但係應該都唔會咁呀?而家連自己梳洗都唔會…你明唔明我講咩呀?」

【診所低能奇觀】產後抑鬱好常見 要靠身邊人體諒幫助走出黑暗

(視覺中國圖片)

我明呀,我仲見到你好想喊。

產後因為荷爾蒙變化或者一時之間接受唔到自己角色轉變,係有機會引起情緒低落,對好多嘢都會失去興趣同動力…呢啲有機會係產後抑鬱。

我:「姨姨呀?你哋係咪住附近呀?會唔會可以同佢落嚟見見醫生咁呀?如果唔得嘅,有可能要搵其他醫生上門…同埋BB都應該要盡快約去健康院啊~又或者去健康院嗰時都可以同醫生講有咁嘅情況,睇吓醫生需唔需轉介佢去其他科睇睇~」
佢:「佢唔知係痛定係點,唔肯落床呀,我都唔知佢肯唔肯嚟,我又怕麻煩到你哋」
我:「如果佢痛嘅,一係我借架輪椅俾你?推佢落嚟見一見醫生啊~佢係開刀生?」
佢:「係呀」
我:「咁一係你同佢落嚟俾醫生睇吓個傷口啦?」
佢一臉憂心:「我試吓啦,呢啲有得醫㗎可?」
我:「有~梗係有啦,可能你個女傷口唔痛就會好返呢~」

【診所低能奇觀】產後抑鬱好常見 要靠身邊人體諒幫助走出黑暗

(視覺中國圖片)

當日下晝,佢哋一家幾口嚟到診所。

產後抑鬱係好常見,媽媽自己未必可以救到自己,好多時就係靠身邊嘅人理解體諒同幫助,先可以走出呢段人生中最黑暗不見天嘅日子。

Facebook專頁:http://www.facebook.com/funnyclinic

責編:李玥展

編輯:Hin

編輯推薦

搭的士畀30蚊散紙遭司機抱怨 王晶女兒PO文呻無辜

導演王晶的女兒王子涵昨日(8號)於社交網發文,透露自己搭的士時遇到不愉快經歷,她先以「請問30蚊散銀係咪錢?」作開頭,及後講到自己搭的士到目的地後要支付29.1元車費,而她就付了1個5元、10個2元以及5個1元...

2018-05-09 16:01

男子美聲配摳腳演唱 網民:一直覺得聽歌有味道飄來

迪士尼經典動畫《美女與野獸》(Beauty and the Beast)的同名主題曲由莎蓮迪安(Celine Dion)與Peabo Bryson主唱,多年來不少人翻唱過,不過早前在網上流傳的一段男男翻唱影片卻令不少網民聽到耳朵懷孕。

2018-05-08 17:46

西裝男同大肚婆爭的士 司機睇唔過眼冚旗收工

雖然香港市民對於的士司機的服務態度、質素都帶有不滿,但近日有個「拒載」乘客的司機竟然獲得網民大讚?

2018-05-08 16:11

熱門評論

已複製連結