橙新聞

方以文 睇乜電視啊?

電視迷,未成精。好就讚,唔好就彈。電視以外,電影、舞台劇都啱。視覺刺激為先,有內涵為重。

【方以文 | 睇乜電視啊?】黃智雯靠反作用力爆上

文:方以文 
    
重要嘅嘢講咗先,支持黃智雯唔單只因為呢篇文章要講嘅嗰種「反作用力」,仲因為佢真係演得好,同埋劇本好,所以成就咗佢呢排喺觀眾層面嘅氣勢。不過我覺得支持黃智雯嘅觀眾,或多或少都出於一種支持弱勢者嘅心理。
   
【方以文 | 睇乜電視啊?】黃智雯靠反作用力爆上

黃智雯@《飛虎》(圖:TVB)

黃智雯2007年選港姐之後入咗藝訓班,2008年畢業後正式入行,咁多年嚟默默耕耘,唔搞緋聞,唔做新聞。去到2012年憑住《缺宅男女》嘅吧喳「關二嫂」、《飛虎》嘅「蘇文強」等角色得到飛躍進步女藝員獎項。到2015年喺《拆局專家》坐正做女主角,不過坐得唔穏,之後喺女一同女二之間上上落落:喺李佳芯做女一嘅《律政強人》同埋陳凱琳做女一嘅《張保仔》,仲有周麗淇做女一嘅《流氓皇帝》當中做女二。唔好話係佢嘅粉絲,就連普通觀眾如我都覺得好驚險。
    
【方以文 | 睇乜電視啊?】黃智雯靠反作用力爆上

《三個女人一個「因」》劇照(圖:微博)

2017年開始,佢開始坐穩女一,都亦都展開「周日女皇」嘅旅途。《雜警奇兵》畀人放咗去周日,無聲無息播完。《超能老豆》就一再抽起,押後幾次先出街。無啦啦做咗台慶劇嘅《降魔的》,黃智雯做嘅莊芷若同埋魔戲份仲少過謝雪心,令人懷疑佢係咪真係女主角嚟。《三個女人一個「因」》再一次被放到周日播出。而即將開拍嘅新劇《反轉貴利王》似乎又再跌返落女二,女一係邵美琪(呢個好似合理啲)。到底佢係未企穩陣腳所以唔敢推劇,定係好似馬明咁無所謂有劇就接?答案只得黃智雯自己知,但我哋觀眾看在眼裡,唔多唔少都會覺得黃智雯有料但係冇乜運,甚至係唔受無綫重視。
    
【方以文 | 睇乜電視啊?】黃智雯靠反作用力爆上

【方以文 | 睇乜電視啊?】黃智雯靠反作用力爆上

《三個女人一個「因」》劇照(圖:微博)

今次《三個女人一個「因」》,終於畀黃智雯等到一套戲份重、角色難度大,能夠好好發揮嘅劇,當佢真係做得好嘅時候,觀眾支持佢嘅心理就一下子爆發出嚟,令到呢套因為將就星期日檔期由20集剪成18集嘅戲集,可以衝破20點大關,平均都有18點收視。一直嘅冷待,累積換成今次嘅反作用力,得到好多觀眾嘅支持。
     
今個星期日,套劇就係大結局,大台嘅宣傳集中喺同樣係今個星期大結局嘅《果欄中的江湖大嫂》,仲有嚟緊開播嘅《棟仁的時光》,甚至係《降魔的捉妖遊戲》。有份對撼隔籬台直播金像獎頒獎典禮嘅《三個女人一個「因」》就明顯少啲宣傳。到底係無綫捉到路識得玩「反宣傳」,定係真係冷待呢套劇同埋黃智雯?無論如何,今次都證明咗黃智雯無論喺演技同埋人氣方面都得到大部分觀眾嘅支持,希望Mandy佢可以得到更好,因為佢值得。
   
責編:李玥展

編輯:Stacy

編輯推薦

【方以文 | 睇乜電視啊?】《三個女人一個「因」》改錯名?

有啲觀眾仲覺得《三個女人一個「因」》改錯名而趕客,破壞咗呢個被視為黃智雯問鼎視后嘅作品,原因係個名太過複雜,話唔係好明白套劇想講乜。

2018-03-06 15:10

【方以文 | 睇乜電視】《降魔的番外篇》後 BigBig Channel點玩好

《降魔的番外篇 – 首部曲》挾住《降魔的》嘅威勢,專登嘅戲院搞咗個首映一氣呵成全套劇咁播。勢就造咗,結果如何?

2017-12-29 10:07

【方以文 | 睇乜電視啊?】想王維基繼續做電視?冇乜可能

王維基搞新電視台係值得鼓勵支持,只係結果不似預期,冇乜必要潑人冷水踩多腳。

2018-04-03 11:13

熱門評論

已複製連結