橙新聞

發緊夢

生活不易,發夢才是正經事。一班發緊夢的年輕人講故事。

【夢專訪】獵頭KOL:喺呢一行想發達 埋沒良心就得了

      
打這篇稿時,正好是聶瞳Facebook專頁「辦公室日報」成立1週年的日子。聶瞳諧音「獵頭」,以職場險境和獵頭視角為主題的page,聶生認第二,全香港應該沒人敢認第一:短短一年時間,「辦公室日報」由零開始,到現在近8萬like,廣告、宣傳job接到手軟,最近還出了自己的第一本書,繼續白紙黑字大爆行業秘聞。
   
【夢專訪】獵頭KOL:喺呢一行想發達 埋沒良心就得了

可惜聶生不肯展露高顏值,只有小編代大家欣賞了(資料圖片)

雖然出版社編輯事先有打招呼,「作者可是位靚仔!」見到聶生本尊,驚覺比想象中更靚仔兼氣質利落,十足十職場精英形象。說他是獵頭界的第一KOL(讚美tone),他卻謙虛異常。原來他也曾在媒體摸爬滾打,做過體育記者,跳槽過至少兩家報館,輾轉幾份工之後,才在獵頭這一行穩定下來。
   
追開「辦公室日報」的讀者會知道,此專頁最常出現的主角有三類,奇葩求職者、地獄公司及惡魔HR。被聶生狙擊過的case數不勝數,「前幾日先啱啱見完一個,求職者上到黎我哋office, 我話不如你用英文介紹下自己,點知佢拿出手機…我心諗咁我等你覆完個WhatsApp先!點知原來係佢朋友send咗段英文畀佢,跟住佢就照住讀,係我面前,對住個電話!」
     
也曾試過幫一間公司請人,因為不會透露公司名,收到的CV竟然是這間公司的員工。本想笑笑就算,誰知那員工竟然打電話追問:「我睇返你哋嘅要求,做啲嘢應該係我現在呢間公司 ,麻煩你唔好將份CV send畀佢哋! 」聶瞳說,荒誕求職者越來越多,成為他工作中的家常便飯。
   
求職者固然不乏騎呢之輩,但令聶瞳真正感到氣憤的是,「香港太多地獄公司」。他介紹求職者去見工,一見面主管便說:這份工要無限OT, 返9點收夜晚9點好正常,自己都凌晨兩點都要回覆email,星期六日亦要加班。「我心諗,大佬你咁樣講邊會有人肯做呢?份糧不過萬五蚊咋喎。」聶瞳感歎,「呢啲公司冇可能請到合適嘅員工,請到都唔會做得耐」。求職和婚姻類似,付出對等,雙方價值觀要相近,而不是一方榨取另一方,「可惜咁簡單嘅道理,今時今日仲有好多公司唔明。」
     
【夢專訪】獵頭KOL:喺呢一行想發達 埋沒良心就得了

(資料圖片)

地獄公司不只限於壓榨型,聶瞳以求職市場上最受歡迎的空姐舉例:「好多公司出到聲要請空姐,其實背後都別有用心。呢啲公司唔係航空公司,而係call center、醫療公司、賣錶嘅門市,甚至做speed dating公司,四個字講嗮——九唔搭八!」但如果客人指定要空姐呢?「我唔介紹囉,做開空姐嘅女仔,鍾意周圍飛增廣見聞,真係好難叫佢哋轉行做call center。」
     
更有甚者,當見工是為自己選美,「有個客係上市公司,個老闆擺到明鹹濕,又要後生又要靚,仲話最好係混血兒,一定要睇相先至肯見。呢啲客我一定black list,請個坐office嘅文職,搞到選香港小姐咁,定係當呢度係夜總會? 」
   
他亦無奈承認,對於大部分同行來說,這些地獄公司是獵頭的金礦。「因為佢地日日都有人辭職。個公司好難頂,或者份工本身好難頂,先會搵我哋 。」在獵頭行業,要想發達還要夠狠,閉著眼推求職者落火坑。他笑言自己冇發達機會,「我都唔夠同事狠」,為了做成一單,可以將地獄公司sale到天花亂墜。他曾見同事為推銷職位要求求職者買車,哪怕份工本身並非理想,「個求職者住港島,但份工要返粉嶺,同事認真mood狂勸求職者,以你宜家嘅職位同人工,你應該買架車!」
  
【夢專訪】獵頭KOL:喺呢一行想發達 埋沒良心就得了

(資料圖片)

他笑言,「想要發達嘅條件?埋沒良心就得!」「香港好多行業都係咁,爭在你做唔做得出個啫」。 獵頭行業人心浮動,來來往往,「好多人凈係做1、2年就跳返出去做inhouse(公司內部人力資源),所以唔會太負責任。」
  
聶瞳直言,現在已經感到厭惡這個行業,「成日都想劈炮唔撈!」因為做到業界KOL,不少人勸他專心搞網,「廣告費都夠使」。他承認,Facebook page 廣告收入已經比正職多,不過「廣告費賬面多,實質上收唔收到又是另外一回事。試過最誇張半年先收到廣告費,如果等住啲錢開飯真係餓死咗。」。而且這一行是「辦公室日報」誕生的沃土,「繼續做headhunt嘅專業,先對得住一班follower,否則成件事變咗質,失去咗辦公室日報嘅可愛之處!」
    
面對地獄公司,想保護求職者;面對同行傾軋,想守住良知。對於行業厭倦,對於大環境灰心,聶瞳感歎,「生活喺香港,我哋根本唔係生活,我哋係生存」。他考慮明年去日本或台灣發展,「最快明年成行」。
  
【夢專訪】獵頭KOL:喺呢一行想發達 埋沒良心就得了

想知更多職場奇聞奇事,買本聶瞳新作《辦公室日報》支持下!

出版社:非凡出版

ISBN:978-988-8489-97-8

責編:李玥展

編輯:Stacy

編輯推薦

【辦公室日報|聶瞳】刷存在感的HR最可怕

呢位人事部經理為咗上位,用咗最低等,亦係最損人不利己嘅方法,就係踩低別人,不理其他員工嘅死活,一切一切都係為咗鞏固自己嘅地位。

2018-04-11 15:29

【匿名專訪】10年資深HR:見工奇葩多,炒人心酸多

所謂「HR」,就是公司裡你最怕得罪又最想掐死的人。好多人都認為,這班人平時沒事做,利用老闆在同事面前狐假虎威,關鍵時刻還處處刁難你。「廢嘅」、「冇料扮四條」、「寸嘴」……

2017-06-28 08:57

熱門評論

已複製連結