橙新聞

HR小薯蓉

存活於邪惡軸心HR,由一粒薯仔做到變薯蓉。放工同你嘆住薯蓉講東講西,平衡下繁忙心理。

【收工嘆薯蓉】旅伴要搵個夾自己(續)

文:文:HR小薯蓉
上一篇講到(點擊閱讀:旅伴要搵個夾自己)一次旅行可能係友情同感情嘅大考驗。唔想下下帶住帶住矛盾去旅行,選擇旅伴就要識得搵個夾自己,以下仲有幾種火星撞地球嘅組合。
  
密密行程型 vs 深度遊型
  
香港勞工法例入職第一年得7日假,畀你做足9年,最多都係得嗰12日。想好似外國人咁放成個月假去旅行?發你嘅春秋大夢啦。所以好多香港人去旅行逼於無奈都要辛苦啲,因為去一次旅行都係得三五七日,為咗盡用有限時間,唯有日日晨早起身,可能仲早起過返工呀陰公。
  
【收工嘆薯蓉】旅伴要搵個夾自己(續)
有種人唔可以放棄旅行嘅每一分鐘,會將行程編得密密麻麻,務求去盡每個景點。影相打卡再去下一個景點,又再影相再打卡。每個地點可能只係停留幾十分鐘就離開。
  
同佢地相反嘅有另一種旅人叫深度遊型。佢地去每個景點都會慢慢行,每個角落都行下,發掘一下景點特色,睇下設置喺景點嘅歷史說明,唔覺唔覺就睇左半日。如果佢地同密密行程型一齊行,一個想睇,一個想走,結果最後可能分開行,晚晚酒店等。
  
慳家型 vs 玩樂型
  
香港樓價貴咗咁多年,部分人已經唔敢再幻想有一日可以上車,所以寧願攞啲錢去玩樂。去旅行最緊要去到盡,食嘢梗係要食好嘢、見到咩想買就買(雖然香港都有得買但都要買),購買火力全開,務求要駛曬啲錢。
  
【收工嘆薯蓉】旅伴要搵個夾自己(續)
【收工嘆薯蓉】旅伴要搵個夾自己(續)
相反,雖然明知買唔起樓,但擁有自己嘅物業依然係好多人嘅夢想,就算只有一絲希望都唔想放棄。人生如果淨係為咗儲錢買首期,會係一件非常痛苦嘅事,所以旅行還是必須要去的。但佢地去旅行就會慳啲洗,食平嘢、影張相當買咗、去景點影幾張已經好滿足。

編輯:Stacy

編輯推薦

【收工嘆薯蓉】旅伴要搵個夾自己

去旅前都要諗清楚大家夾唔夾,以下有幾種組合一定會火星撞地球,去完一次冇下次,大家要小心小心!

2018-01-24 18:12

【收工嘆薯蓉】失戀別聽太多失戀歌

有一日收工嘅時候撞到正男,見佢帶住個耳機,個樣愁過鬼見愁,眼睛水汪汪,雙手插袋望住天花板。我諗佢正在幻想緊自己係MV入面嘅男主角,只不過我聽唔到音樂,成件事就好似有啲6+1。

2018-01-03 10:19

【收工嘆薯蓉】不懂死心的男人

唔知係咪做HR做得耐,平時開解得人多,不論男女,好多朋友遇到感情問題都會同我傾訴。最近就有個男同事,我哋叫佢正男,個樣成日都好頹,好似生意失敗咁。平時見得人多,睇佢眉頭眼額,就知佢應該係有啲感情煩惱...

2017-12-22 10:08

熱門評論

已複製連結