橙新聞

香港主場

SLAB以香港最初型號的公共房屋命名,由四位於屋邨成長的伙伴建立,希望透過籃球來喚起大眾對香港在地文化的關注

【香港主場】我介紹過嘅彩虹邨球場 變打卡熱點 ……

《打波 vs 打卡。球場中和點》
   
文:Jason Yip@SLAB
   
【香港主場】我介紹過嘅彩虹邨球場 變打卡熱點 ……
近日收到唔少傳媒朋友打電話俾我,問我點睇彩虹邨籃球場成為打卡聖地,而導致居民感受到滋擾一事。話會唔會後悔幾年前喺網頁同社交平台上大力推介彩虹邨籃球場咁話……
       
【香港主場】我介紹過嘅彩虹邨球場 變打卡熱點 ……

【香港主場】我介紹過嘅彩虹邨球場 變打卡熱點 ……
其實收到電話時真係「嘩」一聲叫咗出嚟,竟然問呢啲!然後就覺得受寵若驚!多謝各位傳媒朋友一寫呢個題目就諗起我!話時話我當然唔會後悔,仲覺得唔係一件壞事添。
      
我一直以來想做嘅就係將籃球同生活結合,去到邊都可以打籃球,無論係香港定係世界各地,只要喜歡,任何地方都係你嘅籃球場。而彩虹邨籃球場的而且確係打波嘅好地方,球場又靚又有香港特色,區內又有士多同餐廳可以打波前或後聚腳,絕對要介紹俾各位。
   
【香港主場】我介紹過嘅彩虹邨球場 變打卡熱點 ……
經傳媒口中得悉網民組隊到彩虹邨球場打波,名為「光復球場」運動! 我當然舉腳讚成! 籃球場從來係打籃球嘅地方,光復行動仲要係組團打波,咪就係我正正想做同做緊嘅事囉?! 大家做呢件事嘅同時而又諗起 SLAB 真係好開心,打波之餘關心一下週邊社區同環境事物。唔好講到保育咁長遠,至少可以令唔少波友覺醒除咗室內體育館、會所球場、私人聯賽等之外,我哋仲可以落街打波! 我哋成長嘅街頭籃球場! 我哋嘅主場!
      
【香港主場】我介紹過嘅彩虹邨球場 變打卡熱點 ……
上面講到打波,而家講攝影。 見到唔少 IG 女神去打卡而唔係去打波,大家去彩虹邨球場影相當然好啦,仲可以帶動社區小店嘅生意,但記住唔好滋擾到打波或使用公園嘅居民! 雖然話係公眾地方,但作為有公德心嘅人應該留意,影相時切忌發出太大聲浪,同埋唔好隨便走上大廈入面影,你都唔想有陌生人成日喺你屋企門口四圍行呱?!各位緊記要自律!面係人哋俾……

編輯:Stacy

編輯推薦

【香港主場】千金難買心頭好

唔知點解呢種恥笑人哋著波衫嘅文化,已經慢慢被時代沖洗得一乾二淨。經 NBA 同各大品牌以及潮流媒體長年累月嘅苦心經營,加上日本嘅古著熱潮長期盛行,著波衫已經成為不可或缺嘅長青衣著打扮,男男女女都至少有一...

2018-01-15 15:07

【香港主場】籃球係你與我嘅共同語言

我哋班籃球發燒友,都係靠落街場打波識朋友嚟擴闊自己生活圈子,而籃球對於我嚟講就係世界共通語言。

2017-12-29 10:01

【香港主場】香港籃球界,第一次有了「代表作」

一直都想推出一本屬於香港籃球文化嘅書,點解美國、日本都有相關書籍,而香港係冇?

2017-12-07 10:16

熱門評論

已複製連結