橙新聞

香港主場

SLAB以香港最初型號的公共房屋命名,由四位於屋邨成長的伙伴建立,希望透過籃球來喚起大眾對香港在地文化的關注

【香港主場】香港籃球界,第一次有了「代表作」

圖、文:Jason Yip@SLAB 
  
每日走過屋邨籃球場,腦海就會浮現起各種曾經喺度發生過嘅畫面 ……
  
「Chris ! 盡量搵位突破剷籃或傳波 !」「盛 ! 防守,小心對面三分!」「斌 ! 搶籃板呀 !」
    
【香港主場】香港籃球界,第一次有了「代表作」

【香港主場】香港籃球界,第一次有了「代表作」
籃球,從來唔係一人運動,縱使個人技術如何強勁,亦不能以寡敵眾。二十年前我同三位兄弟於街場相識,直到數年前創立文化專頁 SLAB,將生活與籃球扣在一起。一直以來,非常感激大家對 SLAB 嘅支持!啟動 SLAB 係基於一股純粹鍾意籃球嘅熱血,同埋想為香港籃球文化帶來一種新面貌。路途上雖然遇到唔少阻力,包括營運資金、時間分配等。幸好一直堅持下得到各位欣賞,加上各大傳媒朋友嘅支持,令 SLAB 有唔少專訪同埋曝光機會,當中包括學術文化探討節目,實屬難得。似乎自己所做嘅事真係令香港籃球文化產生改變,包括傳媒同讀者會 pm 問我哋香港有邊啲球場靚、去日本旅行有邊度近籃球場、有乜球場影相位等等,令平時唔留意籃球嘅朋友,都開始鍾意籃球。
  
半年前獲出版社邀請出書,當時真係好感動,一直都想推出一本屬於香港籃球文化嘅書,點解美國、日本都有相關書籍,而香港係冇?由著手籌備到正式出版嘅大半年時間入面,真係花咗唔少心血,要掌握讀者喜好,文章長短要適中,而書本唔同專欄或網上出 post,我比較執著文字盡量以書面語編寫,而相片大家細心睇會留意到好多細節。例如風格、色調等等都係完全統一,因為對得住自己同時唔想令大家失望,畢竟香港從來冇推出過類似嘅書籍。
     
編寫香港籃球文化書籍,第一時間就諗起對整個文化作出莫大貢獻嘅人物,於是請來有「籃球博士」之稱嘅 Peter (張丕德) ,同埋最早期於 90 年代將籃球相關資訊帶入電台節目嘅 DJ Jason (曾仕賢) 同 Martin (林路寳) 於書本中現身,好感激佢哋幫手,豐富書本內容同時帶俾香港籃球迷無限回憶。此外,感謝才子王貽興同著名作家喬靖夫為 《街場》一書寫序。
  
於同一場地,每日均上演著不同的故事,這正正就是屬於我們的——街場。
  
希望大家鍾意!
【香港主場】香港籃球界,第一次有了「代表作」
《街場》
SLAB著
出版商:非凡出版
出版日期:2017年11月
ISBN:9789888488964
  
責任編輯:李玥展

編輯:Stacy

編輯推薦

【香港主場】獨門秘技——正確的射波姿勢?

網絡上見唔少球評家同網友都不斷談論 Lonzo Ball 嘅射波姿勢唔正確、奇怪、樣衰等等,咁佢嘅姿勢又真係同大部分球員射波係唔同,問題出現喇!何謂正確射姿?

2017-11-23 09:34

【香港主場】保衛家園!出動喇 · 朋友!

話時話都係時候要搵地方安置我啲珍藏 ⋯⋯

2017-11-04 14:45

【香港主場】籃網之謎

其實我哋鍾意打籃球嘅市民要求好簡單,裝籃球網呢件事唔難做啫,個網爛咗咪換囉!希望管理單位關注小市民嘅訴求,唔好成日耍官腔,做實事吧。

2017-10-24 09:18

熱門評論