橙新聞

斯汀

跨媒體工作者,主修電影及寫作,曾以主持、主播、演員身份出現於不同平台。

【斯汀 | 做網喎】FB轉IG 係咪複製貼上咁簡單?

近排同時有幾個朋友問我有關facebook 嘅問題,分別來自唔同範籌:車行、鑽石、app同埋攝影。其實係一件值得開心嘅事,因為證明多咗人警覺到開facebook page係需要問人,而唔係求其搵個有用開fb嘅員工甲去處理(仲有證證明咗多咗人認同我嘅能力,嘻嘻)。可惜我嘅答案可能都幾令佢哋失望。

本身有page嘅問我點樣可以搞得好啲,未有page就問到底點樣先可以搞起個page,我統一回答:好難搞。因為facebook已經好似一盤玩左成個鐘嘅大富翁咁,好多地都比人霸咗,唔係冇得搞,不過好難搞。尤其是當你想唔用錢或者只用少少錢嘅時候。之前都講過,facebook想逼啲唔落廣告嘅page「下海」無所不用其極,即使現存一啲本身有少量粉絲嘅page,一係俾錢、一係慢慢等收皮,我都唔想接受現實,但而家個自然觸及率真係少得可憐。

當中有人聽咗就放棄,有人就話想試咗先算,有人就話要再諗諗。「試咗先算」朋友叫我幫忙做啲內容放fb,我就問埋佢洗唔洗諗埋ig呀,佢答我:「嗰啲我叫我女朋友搞咪得囉,copy fb啲嘢過去咋嘛!」。聽佢講係多麼的理所當然,但我嘅白眼已經反到去後尾枕,剛剛先心諗佢有警覺性識得搵人幫手搞facebook,但佢竟然覺得facebook同instagram係可以copy&paste,到底仲有幾多人係咁諗緊?

隨住facebook市場表現唔理想,好多人都想再托展多一個平台,而喺香港,Instagram絕對係排第二嘅選擇。但係咪只要將ig個帳戶同fb連結、複製貼上上就得?除非你係KOL,仲要係紅到貼條腳毛啲人都會fb like完再去ig like你,否則最最最基本,即使用一樣內容,都一定需要改少少caption同hashtag囉。因為fb同ig由實際使用上到成個風格上都有好大分別。

Ig能夠放link嘅位置好少,因為caption冇連結功能,只可以放喺info page、或者story向上拉咁去,fb caption就慣常會有啲link喺度,要傳宣網址fb真係便利好多;講到story,fb同whatsapp都有,但用嘅人少之又少,ig就反而story先係主流,啲iger一日十幾個story先一個post,雖然通常係得幾秒冇內容,但係觀看人次反映真係好多人會click入去睇;仲有hashtag嘅應用,ig hashtag係重點落得準真係如有神助,而fb嘅hashtag好多人都當highlight重點咁用,真正搜尋用途唔算多(反而前排比人用嚟踢爆樓盤廣告度貢獻巨大)。

以上都係最基本講下啲功能上嘅嘢,另外要留意嘅分別仲有好多,所以你見到有d ig紅人(幾萬followers)嘅fb係冇咩人like,反之亦然,因為兩者係兩個唔同嘅系統,要將內容由fb轉去ig,一定要經過轉化,甚至乎交比唔同人去做。 
責編:李玥展

編輯:Dustin

編輯推薦

【斯汀 | 做網喎】蒙咗面仲多人鐘意 唔通真係樣子問題?

網絡歌手小背心開演唱會,地點係九展,仲要免費入場!嘩,乜而家做網絡歌手咁好賺架咩?

2017-10-31 10:42

【斯汀 | 做網喎】FB玩咁盡?唔落廣告就變透明?

facebook喺6個城市進行緊測試,測試內容包括新嘅news feed會一分為二,分成Primary Feed (Personal Feed)同埋Secondary Feed(Explore Feed)。Primary Feed只會見到自己朋友嘅feed或者廣告,其他專頁嘅嘢就會去...

2017-10-26 13:55

【斯汀 | 做網喎】告性交轉唔到運 算唔算輸打嬴要?

性交轉運同傳銷、倫敦金一樣,警訊講足十年都係有人中招,其實學鄭中基去賣瑞士山區肺,可能都係一盤生意。

2017-10-12 12:10

熱門評論