橙新聞

我們的紀念冊

我們的集體回憶

【懷舊】出道17年快樂!呢5位歌手喺00年係樂壇新丁 你又知唔知?

圖源:英皇娛樂、華星娛樂、正東唱片、佳音唱片

話咁快又就到年尾,即係好快嚟到樂壇頒奬禮嘅日子。不過近年每逢到頒發新人奬嗰陣,大家都「R哂頭」,皆因個個都唔知佢哋係邊個,講番17年前,即00年嘅新人,真係個個都大有來頭。

張家輝

從亞視到無綫,再到電影圈,如果你唔識張家輝,唔知佢係一名演員,就真係唔好話自己係香港人啦。

不過唔知大家知唔知,其實張家輝以前都有唱過吓歌,唔係講粗口講到唱歌咁,而係真係唱歌。

喺00年嘅時候,佢推出咗首張專輯,專輯名同主打歌名一樣,《愛得起》,仲搵嚟萱萱做MV女主角添!喺出碟嗰年,佢仲喺叱咤樂壇頒獎同十大中文金曲獎拎到新人獎添,喺01年仲出咗第二張專輯,叫《對你傾訴》,不過呢張亦都係張家輝最後一張專輯啦。

古天樂

應該無乜人唔識Mr.古,甚至唔少人知道佢係有出過唱片添!

《男朋友》同《今期流行》呢兩首可以話係深入民心嘅代表作,喺00年推出第一張專輯除咗喺各大頒獎禮都有進帳,仲賣到有白金嘅成績,認真厲害!

而之後第二張專輯《今期流行》都有非常不錯的成績,還出咗第二版添,同歌曲《今》最讓人深刻嗰句一定係「今期流行流行椎名林檎」。

後來到03年《Mr. Cool》專輯,古生就再無出歌,有網民話「佢選擇唔唱歌,去演戲係一個好好嘅選擇」,但對小編嚟講就少咗好多娛樂性啦。

李彩華

近年都見李彩華再次回歸大螢幕,相比起佢嘅歌,多數人反而會記得佢係影視方面的演出。

講番佢音樂上的發展,雖然佢00年出道,但可能各位有印象嘅都係佢嗰首《你唔愛我啦》。呢首歌第一次發行係喺2005年,但大家又知唔知唔係發行自李彩華嘅專輯,而係喺黃偉文嘅十年精選?直到09年先至收錄喺自己嘅專輯上面。

江華

00年代經常喺電視箱出現嘅江華,喺00年起到03年,都推出過三張唱片。不過對小編嚟講,最記得嘅係電視劇《九五至尊》嘅主題曲《彩構步》,到呢家依然覺得咁好聽。不過近年嚟,好少見到佢嘅演出啦,據聞佢患病,消瘦不少,希望佢早日康復啦。

陳冠希

今時今日嘅陳冠希真係同以前嘅差得遠,當時小編身邊有唔少同學都好鍾意佢嘅,真係有一股仙氣。

當時佢嘅出道作,係由哥哥張國榮作曲的《極愛自己》,當時可謂是他一炮而紅之作。

編輯:Wing

編輯推薦

【懷舊】青春啊!7隊最想他們宣布重組 的香港00年代組合

最近聽到At 17將會重組開演唱會的消息,不禁想起二千年代的組合盛世。當時男、女子組都有不少,還會有不同風格,像陽光男孩、清純少女、姐妹雙劍合壁等等,當中你最想看到重組的組合會是誰?

2017-09-22 09:30

【港‧青春】無得開學 只能回味!7部校園、青春港劇你記得嗎?

自從不需要上學之後,到了九月便成為就再沒有特別意義,只是在街上遇到穿著校服的學生,就明白青春的小鳥一去不復回,再也無法回到過去,就只有透過劇集重溫,在香港就推出過不少校園、青春劇集不如跟小編一起回...

2017-09-15 15:06

【懷舊系列】你還記得他們嗎?5大00年代出道的香港歌手

上週翻開娛樂版,才知道發生又一宗的「羅生門」事件,事件的主角是藝人裕美,原來她仍然在圈內打滾,這時候不禁讓筆者想起,一班漸漸沉沒於樂壇大海的00年代歌手,你還記得他們嗎?

2016-06-27 17:45

熱門評論