橙新聞

小編試味

橙新聞小編,捐窿捐喇去試食!

【小編試味】清仔登陸銅鑼灣 話你知丁麵可以咁食法!

文、攝:Wing  剪:Dustin

講起方便快捷醫肚之選,大家都會想起丁麵,不過佢又係咪只限於茶餐廳見到嗰個樣?話說最近清仔登陸銅鑼灣,帶嚟全新嘅出前一丁麵-「棒丁麵」,到底佢係咩嚟?

如果你係出前一丁嘅粉絲,你一定知道無幾耐之前推出咗擁有日本拉麵特色嘅非油炸拉麵-「棒丁麵」。為咗等大家可以認識呢種麵,出前一丁最近聯合辦館LOF 10開咗間概念店,仲推出咗4款特盛套餐。

嚟到概念店,喺門外就見到清仔同清仔嫲嫲歡迎你。

店內是以港式和日式拉麵店為主題的裝橫,你會見到天花板掛住拉麵店門前嘅字號布、港式霓虹燈牌。


裡面仲擺放咗隻3米高嘅清仔,等大家可以搵佢拍照留念!

今次推出嘅4款套餐分別係「赤豬骨棒丁麵餐」、「味噌豬骨棒丁麵餐」、「港式蔥油出前一丁餐」同埋「日式麻油出前一丁餐」。

「赤豬骨棒丁麵餐」,濃郁嘅豬骨湯底,加醃製過嘅豚肉、秘製辣油,配搭好像溫泉蛋、秋葵等新鮮配料,啱哂鍾意食拉麵同試新嘢嘅朋友仔。($88)
想試吓拉麵配搭港式風味會係點,可以試吓「味噌豬骨棒丁麵餐」,餐肉、XO醬加拉麵,感覺幾新鮮!($88)
「港式蔥油出前一丁餐」有餐肉又點少得蛋呢?叉燒炒蛋加上撈丁麵,聽起上嚟,好似有啲怪,但食落又幾好味喎!($88)
「日式麻油出前一丁餐」大概滿足到鍾意食脆口嘢嘅朋友,皆因麵餅係混合咗蛋同調味料,經過高溫油炸,仲有加上日本照燒汁同蛋黃醬調味。($108)

當然一個麵唔會賣到咁貴啦,每個餐都會送上一杯飲品同特色甜品,等你食飽之後甜一甜!

小編最鍾意嘅甜品大概係雙重滋味雞蛋仔,雪糕加上香港特色雞蛋仔,有種冰火交融嘅感覺!

出前一丁x辦館LOF 10 Bar Dining期間限定店開幕活動

時間:星期一至四:中午12點至午夜12點

星期五:中午12點至凌晨2點半

星期六:上午11點至凌晨2點半

星期日:上午11點至午夜12點

地點:銅鑼灣謝斐道535號Tower 535 3樓302號舖

編輯:Wing

編輯推薦

【發夢有益】82歲老奶奶 做全世界最高齡iPhone軟件設計師

現年82歲的日本奶奶若宮正子,成為了世界上最高齡的iPhone app軟件設計師,為全世界的老年人設計iPhone應用軟件。

2017-08-11 10:07

【方以文 | 睇乜電視啊?】《踩過界》死得慘 大台管治出問題

《踩過界》上星期播完第14集,即係第一季已經做晒,我想嚟個中場討論。本身套劇就算有負評跟身嘅蔡思貝喺王浩信、李佳芯、張振朗,再加埋每個單元嘅受害人超水準發揮之下,截至第12集,最高收視24點、平均收視最...

2017-08-09 09:21

【單身食錄 | 聞西】健康版!台式豬排便當

今日教大家做一個簡單火車便當,當然無台灣嗰啲咁多料,不過有菜有肉有飯其實已經好足夠,最好加多個生果就更健康喇!

2017-08-08 09:20

熱門評論