橙新聞

【匿名專訪】10年資深HR:見工奇葩多,炒人心酸多

文:Stacy
  
所謂「HR」,就是公司裡你最怕得罪又最想掐死的人。好多人都認為,這班人平時沒事做,利用老闆在同事面前狐假虎威,關鍵時刻還處處刁難你。「廢嘅」、「冇料扮四條」、「寸嘴」……大家對HR的評價來來去去不外如此。(小編利申:我們公司的HR姐姐們絕對例外,善良又美麗的她們是天使般的存在…)
  
一位號稱做了10年的資深HR,對於職場關於HR的如潮負評「睇唔過眼」,決心要為同行平反——HR界的KOL「小薯蓉」,現在一間本地出名的大型連鎖公司任職,10年間也兜兜轉轉換過幾間不同公司,但一直視HR為事業發展方向。
  
【匿名專訪】10年資深HR:見工奇葩多,炒人心酸多
既寫書、又開Facebook Page的小薯蓉,如此解釋自己的名字,「喺HR呢行都有十幾年,被人磨,愈磨愈多,由薯仔變咗薯蓉」。呵呵,被磨成薯蓉的HR,一副斯文書生look,說是90後都不會有人質疑(可惜不願上鏡)。
  
見工:奇人怪狀大檢閱
  
小薯蓉說,做HR的好處是見多識廣,因為負責招聘,各種奇人怪狀都見過。「太多奇葩,網上攞出嚟俾人笑嘅case其實唔算誇張。」他見過有CV裡夾藝術照的阿叔,尖沙咀海旁擺pose,似足90年代失戀情歌中的MV男主角;也有來見工做test卻做到睡著的糊塗蛋;屎尿屁小問題多過HR的麻煩鬼;媽媽全程陪著見工的裙腳仔……「我本書入面有寫,做呢一行真會見到太多令人哭笑不得嘅人!」
  
請人不易,請到一個合適的人,也是HR的成就感來源,「如果你請到一個人,佢自己又好鍾意呢份工,好有投入感、熱情去做,我會覺得自己幫到人達成自己嘅事業理想,好滿足。」
  
溝通:老細與員工間的橋樑
  
因為坊間對HR印象不佳,小薯蓉索性將自己的新書書名改作「我係邪惡HR」。但實際上真如傳說中這麼邪惡?「今時今日人才競爭激烈,HR形象唔好,直接影響緊公司形象。我身邊好多好專業、態度亦都好好嘅HR朋友」。那邪惡形象如何來?「我哋係夾心餅,夾住喺老細同員工之間,有啲情況我哋唔想做,但逼於無奈都要做。」
  
小薯蓉認為,好的HR應該是「溝通嘅橋樑,而唔係打手」。做得理想當然是推廣公司policy的同時,也能贏得員工的理解。「一個當員工係重要財產嘅老細,同一個一心凈係想賺錢嘅老細,你喺你兩間公司做HR嘅感受係截然不同!想做好HR 嘅一定係想去對員工好嘅公司去做」。他笑說,苛刻政策當然是由管理層決定,HR有時真的是躺著也中槍。「HR好多時都係一個執行者嘅角色,始終都要成個管理層去決定。所以其實HR唔係真邪惡呀!」
  
裁人:最最心酸與難忘
  
HR亦並非永遠高高在上,冷若冰霜。「如果你問我做咗咁多年,最唔開心嘅經歷,我可以肯肯定話你知係裁員」。2008年金融海嘯,小薯蓉所在的公司經營狀況轉差。炒人的風聲不斷,那一天終於來到。收到老闆通知後開始準備裁員工作,逐個同員工派解僱信。
  
殘酷的面談已令他身心俱疲,「當我派完信行出會議室,見到嘅畫面令我畢生難忘。有年紀唔輕嘅叔叔拎住紙巾抹眼淚,有位被裁嘅同事同其他同事擁抱道別,其中一位冇被裁嘅女同事情緒激動,反過來需要其他同事安慰……」整個office愁雲密佈,如何穩定軍心也考驗著主管的功力。「裁員呢家嘢真係可免則免,求神拜佛都唔好要我再經歷一次!」
  
 [1] [2] 下一頁

編輯:Stacy

編輯推薦

【專訪】怪叔叔 肯定是香港最受歡迎的「痴漢」角色

怪叔叔無處不在,特別在漫畫中樂而不淫的怪叔叔們,實在為大家帶來不少歡樂,但除了經典的八寶齋、龜仙人、自來也外,別忘了還有香港代表Cuson(咳神)。

2017-06-13 17:55

【夢專訪】八鄉中心小學的貓老師 讓學生關注社區動物

學校附近有個廢置的工場,工場主人養了幾隻貓,但沒有帶貓絕育,後來工場撤走了,主人卻沒有將貓帶走,貓愈生愈多,不時走到學校覓食。一天,老師發現這些來自廢墟的貓,隻隻骨瘦如柴,其中一隻還翻學校的垃圾桶...

2017-06-15 11:25

【夢專訪】90後女書法老師:家長連1分鐘發夢時間都抹殺

90後女書法老師Kaka:「媽媽會話『唔洗睇啦,你唔會寫到咁靚架啦』就好似一大盆冷水淋喺小朋友身上,我覺得小朋友係需要發夢、發呆」。

2017-06-08 11:10

熱門評論

已複製連結