橙新聞

斯汀

跨媒體工作者,主修電影及寫作,曾以主持、主播、演員身份出現於不同平台。

【斯汀 | 做網喎】立即嘥咗個人物亦得 得咗

號稱全球最靚仔意大利數學教授Pietro Boselli嚟香港已經夠正,鬼佬+靚仔+大隻真係冇得輸,未出發已經搞到香港濕哂(貴人出門招風雨啫),加上放風話要約會麥明詩,好期待會有咩火花!結果只係同場出席左一場活動玩下咖啡豆,online方面冇咩搞作真係有點雷聲大雨點小嘅感覺。

隔咗幾日見到大家樂終於出咗條片喇,愈睇愈唔對路,我引述一下網民留言:
「完全唔知你地想表達咩?!你地請個靚仔教授返黎,但拍埋D咁嘅idea...好失望!有頭威無尾陣~好騎呢」
up緊乜啊個廣告...
個廣告九唔搭八 ,都唔知佢做乜 嘥咗教授。
講真真係好欣賞佢哋搵到個咁有gimmick嘅人,仲要意大利專程嚟香港,結果睇到個咁嘅廣告真係心諗:「做乜…」。唔係想批評或者恥笑,而係真係好唔抵呀,果種捉到鹿唔識脫角、「比我做一定會…」嘅諗法好強烈。

其實你有個咁嘅人,只要同麥明詩(或者Lilian Kan)拍條mv咁嘅片已經男女通殺j死人(教授正到男人都想睇,利申:直),希望教授唔好比香港人嘅創意嚇親啦……

咁啱又喺fb見到個廣告主角係「美富紋身」嘅Cash,之前Cash幫Cool拍嘅廣告好有型、而且佢本身個形象好出易認,但係今次同OVERLAB嘅合作就好似出出地事……人係無問題架,衫都係無問題架,但係拼埋一齊就有啲衝突咁囉,唔通而家連襯衫都要「比啲掙扎我」?喺細公司做嘢成日會覺得公司資源唔夠,乜都有限制;但去到大公司,有budget搵到適當嘅人,原來都好睇你識唔識用。

同時期仲有雀巢x黎明x100毛嘅咖啡廣告vol2,其實咁嘅陣容已經唔需要睇片嘅內容,迅即200萬views落袋先。而且以黎明同100毛嘅號召力,聽講product都賣斷市,成效無可挑剔。不過以同樣做網嘅人角度睇,其實有少少失望,網上都有討論話片帶唔出product特點,純粹賣人氣,唔算好廣告,而我從條橋去睇,都覺得一切都太過意料之內,無咗上集果種「咁都得」嘅感覺,但係我都好欣賞當中一啲細節位,年青版黎明條頸巾嗰啲都做到足,睇得出係心機之作,不過事實係珠玉在前,而且有幾何續集會打嬴第一集架,希望唔好有第三集,留個美好經典回憶啦!

編輯:Dustin

編輯推薦

【斯汀 | 做網喎】情緒勒索?!紅十字會捐血風雲

「香港紅十字會 Hong Kong Red Cross」喺5月4日出咗個post,引起廣大網民反感,有情緒勒索、咀咒之嫌,嬲嬲數目超過半數。

2017-05-05 15:35

【斯汀 | 做網喎】#ptgf外的隱藏IG Hashtag

IG之前就係一啲討論區或者論壇,根本「做雞」、「援交」、「ptgf」一路都無停止過,假如大家係咁關心嘅,唔洗等到而家先留意到。

2017-04-25 14:41

【斯汀 | 做網喎】佢哋都係「普通人」嚟?!

究竟點至算係「公眾人物」?點先算係「普通人」?係咪由你一開個公開Channel開始,即使未知會唔會紅,就已經要「做個好榜樣」?如果明明都唔係好人又要扮演一個好人,到時又會唔會比人話表裡不一,衰多兩錢?

2017-04-20 14:58

熱門評論