橙新聞

斯汀

跨媒體工作者,主修電影及寫作,曾以主持、主播、演員身份出現於不同平台。

【斯汀 | 做網喎】佢哋都係「普通人」嚟?!

Youtuber、KOL到底係公眾人物定係普通人?喺而家一地都係KOL 嘅環境,如果個個都升係公眾人物嘅話,佢哋係咪需要有額外嘅道德枷鎖?Ricko林偉程被爆食女無數呃蝦條,其實我見到之後第一個反應係「wfc?」,大佬呀,無人想知一個未成年小朋友食咗幾多女,你話佢強姦迷姦就話啫……所以都呢件事真係連蘋果都唔報,係得啲content farm喺度傳。

雖然,一個21萬訂閱,每條片幾十萬views嘅頻道已經係非常利害,不過佢既唔係偷又唔係搶,只係私生活混亂,相比之前youtuber肥瓜賣淘寶嘢謀暴利,後者似乎仲值得討伐得多,仲有山野女生亂教人行山害人都比呢單有價值。

來源:連登
之前山野男生狙擊山野女生,山野女生即時出咗篇欠責聲明,內容大致係「我哋嘅嘢只係參考,所有嘢嘅都唔一定準確同完整,你死你事,唔好賴我」咁上下。一個2萬幾人like咗嘅page,喺蘋果、新假期、香港01都見過佢哋供稿/受訪,其實真係唔少人睇到佢哋嘅資訊,女生們更加經常地前言不對後語、提供錯誤資料,咁樣又係唔係一頁免責聲明可以解決?

東張西望都有教,其實免責聲明並唔能夠免責,好多公司都係戴定頭盔,到有事時都係要打官司。而當佢哋咁有影響力時,又係咪可以以一句「我哋純粹係分享」做擋箭牌?有冇一個數字去定義,由幾多個like開始要注意言行呢?

來源:山野男生fb、山野女生fb
究竟點至算係「公眾人物」?點先算係「普通人」?係咪由你一開個公開Channel開始,即使未知會唔會紅,就已經要「做個好榜樣」?如果明明都唔係好人又要扮演一個好人,到時又會唔會比人話表裡不一,衰多兩錢?道德問題真係好難下定論。

講返Ricko,其實佢咁所謂「呃」蝦條(我唔知算唔算呃,因為睇落都係你情我願),香港無一分鐘都發生緊,只係咁岩佢比較出名少少,又咁岩有條女唔順氣要搞大。無計嘅,食得咸魚抵得渴,你出名就要負起一個代價,不過據知另一個元祖級「毒男」youtuber都係食女無數,唔知幾時會爆到佢呢……小二,花生唔該!

編輯:Dustin

編輯推薦

【斯汀 | 做網喎】素人IG賣廣告 邊個最得益?

阿豬阿狗都學人賣廣告,仲有「知情人士」透露每個post都淨係收左50-100蚊「廣告費」 (連一支sample),到底呢個策略係關公災難定係未來新走向?

2017-04-03 16:54

【斯汀 | 做網喎】網媒亂推介真係冇後果?

選特首你又無票、肉商邊度入貨你都唔知、唯一最貼身嘅就係行山點樣可以保自己平安之餘唔好害死人。

2017-03-23 16:24

【斯汀 | 做網喎】文無第一 網無第二

之前覺得啲贊助商好殘忍,一定要拎獎先會繼續贊助,但係其實香港人仲殘忍過啲贊助商,要拎獎先會比你輕輕讚一讚。

2017-03-17 17:10

熱門評論