!-- Begin Hotmob JS SDK Tag -->

橙新聞

方以文 睇乜電視啊?

電視迷,未成精。好就讚,唔好就彈。電視以外,電影、舞台劇都啱。視覺刺激為先,有內涵為重。

【方以文 | 睇乜電視啊?】不如開個「腐女台」

文:方以文

每個電視台都要有自己嘅定位,先至吸引到一班特定觀眾群,亦即係成日聽到嘅「目標觀眾target audience」。有呢班人好緊要,因為sales們可以拎住目標觀眾群去sell不同範疇嘅人落廣告,電視台先可以將收視轉為實際金錢收益。大台觀眾群主要係師奶,新台就主要係後生。咁點解無個台係for一班腐女呢?

無個台係畀後生女睇

我用「腐女」呢個term係極端咗啲,但放眼大台、新台,計埋唔知開唔開得成嘅奇妙台,都無一個台係畀少女觀眾睇嘅。J2一開台嘅時候,打正旗號係畀後生睇,不過都係一半仔一半女,所以先有《兄弟幫》同《姊妹淘》。不過《姊妹淘》不知不覺間已經消失咗,得返《兄弟幫》。新台喺新排陣之後,有個新節目叫做《Girls’ Talk》。

ViuTV《Girls' Talk》(圖源:節目截圖)

每晚十五分鐘畀幾個女仔圍埋講吓唔同話題,但係喺新台陽氣極盛嘅環境之下似乎做唔到咩出樣,亦都唔見有幫呢節目落力做宣傳。總括嚟講,即係依家無個台去照顧呢班年輕女觀眾。

男男線有觀眾群

或者你會問,乜有人睇咩?我好肯定咁答你:有。仲有唔少人。男男couple、類BL嘅劇集,係有好多少女觀眾追住睇嘅。韓劇《鬼怪》裡面孔劉同李棟旭嘅同居互動關係、大台劇《親親我好媽》何廣沛同郭子豪有陣「腐」味嘅交流、新台的自家劇集《瑪嘉烈與大衛系列 綠豆》游學修同林耀聲嘅一段情,全部都吸引到一班「腐女」嘅注意同埋追睇。

韓劇《鬼怪》的孔劉同李棟旭(圖源:節目截圖)

《親親我好媽》的何廣沛同郭子豪(圖源:節目截圖)

《瑪嘉烈與大衛系列 綠豆》的林耀聲和游學修(圖源:節目截圖)


中國男男網劇爆紅

放眼大陸,已經有好多開宗明義男男配嘅網絡劇集,質素雖然良莠不齊,但都有套代表作,就係2016年頭播嘅《上癮》。兩位男主角黃景瑜、許魏洲成為兩岸三地好多女觀眾(仲有男觀眾)嘅男神,個個變晒做黃太太、許太太。

劇集《上癮》(圖片來源:騰訊視頻)

台灣唔執輸,前棒棒堂節目迪底「小樂」吳思賢同埋童星出身嘅沈建宏做男男couple,拍咗套大陸網劇《我喜歡你,你知道嗎?》,亦都引起咗台灣嗰邊唔少嘅迴響。

《我喜歡你,你知道嗎?》(圖片來源:Youtube)


邊個敢兵行險着?

即係話好多人都已經見到,仲開發緊呢個巿場。無理由香港呢邊睇唔到啩?問題應該係唔夠膽做。你知啦,香港人話就話自己好文明開放,但事實就係「口放心不放」。依家睇吓有無電視台肯博一舖,行呢條路。如果有膽色又有信心處理到投訴嘅話,「腐女台」有talking point、有target audience、有收視,一定有錢賺。

編輯:Wing

編輯推薦

【方以文 | 睇乜電視啊】食續集欠新意

大台今年踏入50周年,好多觀眾對佢都有期望(都合理嘅,爛船都有三斤釘)。不過唔知大家有無睇佢個金禧節目巡禮,我就真係打個「突」喇,好多都係食返舊橋,玩到爛先肯收手嘅情況,對於觀眾嚟講就一定唔係好事啦。

2017-04-04 13:46

【專訪】曾因港漫與媽媽反臉 大學講師:不是港漫「教壞」我

每個人都有珍視的東西,可能是一個汽水罐、可能是一封信,別人眼中「區區」的幾本書,竟然令一對母子心存芥蒂多年,港漫到底是何物?當中的情結又有多深?

2017-04-15 09:04

【香港主場】波衫與我 (上篇)

就係咁,我喺小學四年級就擁有人生第一件NBA波衫。自此之後就好似中毒咁不停研究同收藏波衫直到而家。

2017-04-16 12:10

熱門評論