橙新聞

斯汀

跨媒體工作者,主修電影及寫作,曾以主持、主播、演員身份出現於不同平台。

【斯汀 | 做網喎】大波、黑絲、人妻vs邪惡、拉絲、隱世

如果話男人都鐘意大波、黑絲、人妻呢啲關鍵字(利申:其實唔係個個男人都鐘意),咁女性版本嘅關鍵字一定係邪惡、拉絲、隱世(都唔係個個女人鐘意)。只不過一邊係唔比得人知,而另一邊係荒死人唔知。

而家睇飲食文嘅標題,基本上都已經有一個規律出咗嚟,先揀一個形容詞:隱世、邪惡、流心、拉絲,再揀一款食物:芝士、紫薯、海膽、抹茶,加埋一啲引起好奇嘅字:居然、驚人、必食、特式,得咗!必食流心海膽、驚人拉絲抹茶,真係聽見都吸引。

  

呢啲字詞慢慢形成一種宗教,啲港女(泛指香港女性)自我分類為:芝士迷、抹茶控等等,見親自己教派嘅post就要like,當全世界都知佢鐘意紫薯,咁見到有關紫薯就會tag 佢,嘩,幾熱鬧、幾有存在感呀。當然各小編都好樂意見到呢個現像,亦都有好多食店就係靠呢啲賣點而誕生添呀。而以抵制港女為宗指嘅fb page「猛鳩語錄」都出咗張圖去諷刺呢件事。

其實講到網絡關鍵字又點止呢啲,早年嘅港女、毒男、iphone、麥當勞(冇錯呀,有麥當勞標題嘅文真係特別多人睇),到今時今日嘅女神、廢青、勵志等等,大家係咪都覺得熟口熟面呢!唔係齋吹架,我某個前上司曾經係某大報做,佢哋一向嘅做法係,將啲keyword扣落內容度,甚至由個keyword出發去搵內容,就會大大提升收視。以前舊媒體年代,記者都可以有性格去做啲自己有興趣嘅嘢,但而家作品一出街,即刻知道受唔受歡迎,仲有邊個會同業績作對丫,上司唔捽你,你自己都無癮啦!

Keyword宗教化,唔多唔少都影響咗大家日常生活,仲加強咗香港人「一窩瘋」嘅特色。各大網媒介紹嘅「隱世」地方,經報導後都逼到爆,大至大東山生態被破壞周地垃圾、小至西灣河居民落街食宵夜都要排隊,亦都開始有網民感到不滿,「文化殺手」、「死亡之握」等形容都唔夠,甚至要開page聲討。咁又係嘅,我都唔係好信有咁多地方(同食物)好推介,有幾多係為咗click rate而吹噓捧上天?又有幾多係廣告?
  
但全部鬧哂media又唔啱,學子華話齋:搵食啫,犯法呀?香港人無公德心,下下狗衝都抵鬧嘅。但係諗深一層,會唔會係因為香港人太漫無目的呢?有嗜好嘅人,放假都已經有哂節目,好似夾band嘅夾band、手作嘅手作、郊遊嘅郊遊、運動嘅運動……而無嗜好嘅就只好捕住呢啲media睇吓今個星期有邊度可以去(見唔見啲推介都係飲飲食食、遊吓盪吓?)再諗深多一層,咁又難怪嘅,細個時大家都讀書讀書讀書,考試考試考試,就算有興趣丫,都已經放低哂啦!

編輯:Dustin

編輯推薦

其實香港人都真係幾矯情架!

其實香港人都真係幾矯情架!

以前分享語錄,係會標明出自邊啲人,邊個名人、偉人講過嘅金石良言,係要記名架!而家大家就只需要將自己嘅幻想打出嚟,放上網等人like 就得。計我話呢啲矯情語錄全部都應該要實名登記,咁起碼唔使作啲不負責任嘅...

2017-01-07 12:03
【斯汀|做網喎】抄襲都分等級架!(內有花生)

【斯汀|做網喎】抄襲都分等級架!(內有花生)

抄又好、偷又好,都係做創作嘅大忌,不論係比人抄者嘅受傷程度,抑或抄人者被揭發後嘅傷害。

2016-12-22 09:36
【斯汀|做網喎】唔好再搞鬥多Like嘅比賽好嗎?

【斯汀|做網喎】唔好再搞鬥多Like嘅比賽好嗎?

相信有玩facebook嘅人耐唔耐都會受到一啲message如:「幫幫手like like佢」、「give me a like plzzz <3」。一睇,原來又係啲乜乜乜比賽,最多like可以嬴部車嗰啲。

2016-12-16 11:35

熱門評論