!-- Begin Hotmob JS SDK Tag -->

橙新聞

斯汀

跨媒體工作者,主修電影及寫作,曾以主持、主播、演員身份出現於不同平台。

其實香港人都真係幾矯情架!

文:斯汀

其實,香港人,都,真係,幾矯情架。嘿嘿,鄺體已經玩到爛,但係講到矯情又點能夠唔提香港矯情三俠Middle、孤泣、鄺俊宇,亦都慶幸能夠同其中兩位見過面。其實矯情係我心目中唔係太負面嘅字,自古以來文人都係多愁善感,唔係邊得嚟咁多憂國憂文嘅詩詞歌賦流傳後世。

燦神有云:百貨應百客,經濟學亦都有教Demand and Supply,所以矯情嘅唔係作者,而係一眾讀者。而媒體為咗迎合觀眾,亦都不斷生產一啲煽情文章,強調受訪者有幾窮有幾坎坷,都明白嘅,賣點係要強調,但係你話個32歲空姐嫁唔出,單身有幾孤單,大佬呀,32歲咋,講到好似要孤獨終老咁,大把香港人30到尾先結婚啦!

圖:網絡圖片

點解鐘意睇慘情嘢?如果你同樣係慘情人當然感同身受,一句I know that feel借題話比人知自己有幾慘豬,如果你唔夠人慘,就可以展現自己嘅同情心,優越感油然而生。近日嘅頒獎禮更加印證咗香港人嘅矯情,最大迴響嘅當然係消費母親事件,正方話點解人人可以多謝媽媽,點解當事人就唔可以?係囉,咁點解個個人唔話要話佢?會唔會係真係唔覺意做多左引人反感呀?嗱嗱嗱,我話傳媒做太多煽情嘢咋,我尊重天上天下所有媽媽架。

同一個頒獎禮亦有得獎者講起奮鬥史,做音樂點窮、點頹,唔覺意又搬咗屋企人出嚟講下家用問題,唔講我仲以為自己睇緊中國好聲音,東方人重謙遜,有時啲嘢講太白就變咗造作。

圖:網絡圖片

講得遠咗,其實大家日常接觸得最多嘅矯情,肯肯定係嗰啲乜乜語錄,直情去到嘔心嘅地步。矯情語錄點解咁受歡迎,因為佢講出好多人嘅「心底話」,點解心底話要靠語錄去表達呀?因為你都知道如果用自己把口講出嚟會比人笑囉……「不要去羨慕別人的表面風光 其實每個人都有自己內心的苦」post呢段文字嘅人想表達咩?「我表面好風光,你地唔好葡萄啦,其實我都有苦處架」講完啲咁唔知醜嘅說話,仲可以話「嗱,唔係我講架,係有人咁講架」。呢種攞完彩仲要戴埋頭盔嘅做法,實在攻守兼備,無得輸。

以前分享語錄,係會標明出自邊啲人,邊個名人、偉人講過嘅金石良言,係要記名架!之後網絡世界開始有啲假語錄,「李嘉誠對司機的九句話」、「比爾蓋茲的金石良言」等等,而到咗「語錄控」、「馬克語錄」出現,大家就只需要將自己嘅幻想打出嚟,放上網等同路人like 就得。

計我話呢啲矯情語錄全部都應該要實名登記,咁起碼唔使作啲不負責任嘅語錄出嚟為禍人間!

編輯:Dustin

編輯推薦

【斯汀|做網喎】抄襲都分等級架!(內有花生)

【斯汀|做網喎】抄襲都分等級架!(內有花生)

抄又好、偷又好,都係做創作嘅大忌,不論係比人抄者嘅受傷程度,抑或抄人者被揭發後嘅傷害。

2016-12-22 09:36
【斯汀|做網喎】唔好再搞鬥多Like嘅比賽好嗎?

【斯汀|做網喎】唔好再搞鬥多Like嘅比賽好嗎?

相信有玩facebook嘅人耐唔耐都會受到一啲message如:「幫幫手like like佢」、「give me a like plzzz <3」。一睇,原來又係啲乜乜乜比賽,最多like可以嬴部車嗰啲。

2016-12-16 11:35
【斯汀 | 做網喎】8成香港人都唔知自己Like緊啲乜

【斯汀 | 做網喎】8成香港人都唔知自己Like緊啲乜

做網嘅最愛比like鬆手嘅人,唔係話想大家濫like,但係500 likes、1000 likes、1200 likes,點都好睇過0 like、5 likes、10 likes丫嘛。而喺香港,個情況正正係後者,我無能力亦都唔打算改變大家比like嘅習慣,但...

2016-12-07 11:16

熱門評論