橙新聞

【想搵外快】邊款最啱你?10大香港熱門Freelance工作話你知

  我哋呢班打工仔,好多時打份工都係為生活,希望有日可以儲夠錢去追求理想……但份糧只夠自己使,永遠儲唔到錢,無論想買樓定想發圍做生意都冇本,未來似乎無展望?一份好嘅Freelance工作,可以幫你有「第二收入」,助你有望早日儲到錢,擺脫「返工等放工,放工就搵工」嘅循環!就等小編列舉香港10大熱門Freelance工作嘅價位同優缺點,唔知你又啱做幾邊份?

  1. 網上教外語

【想搵外快】邊款最啱你?10大香港熱門Freelance工作話你知
(圖源:AFP)

  而家好多人會係網上嘅語言學校登記做老師,然後就用skype之類嘅溝通軟件教學,時間夠彈性。教授中文嘅薪金因經驗而定,一般係網上語言學校學習中文,一小時約US$20~$30,老師往往要畀介紹費用網站,但如果同學生關係Keep得好,不失為長遠嘅Freelance收入來源。

  2.資料輸入

  呢類工作通常就係睇住文件或透過聆聽,輸入資料到電腦,如果你自問打字夠快又夠準,資料輸入呢份Freelance就啱你喇。你可以選擇返Office輸入嘅類型,一般時薪約$60~$80;而如果你想時間更彈性,對自己打字能力又有信心,咁不如接一啲按件收費、在家工作嘅Freelance,例如係打字幕或逐字稿,輸入一段1小時影片嘅字幕,可以收取$1,000以上(當然你要識得用相關軟件啦),而1小時錄音嘅逐字稿,亦可收取$500以上。

  3.翻譯

【想搵外快】邊款最啱你?10大香港熱門Freelance工作話你知
(圖源:AFP)

  翻譯工作係最常見嘅Freelance之一,最常見嘅一般中英文互譯,好多香港人都可以應付得到。英譯中嘅費用一般較平,以來稿計每字約$0.5~$1,而中譯英參考價錢就係每字$0.8~$1.5,如果係某啲專業範疇例如法律、學術,收費就可以更貴。

  4.美術設計

  美術設計又係巿面有大量Freelance嘅工種,但設計嘅酬勞算係比較「海鮮價」,如果工作較難拆件計,大家可以自己預計完稿所需時間,以作開價,例如每小時$300,預計要做3小時,就開價$900。而容易量化嘅工作如排版工作,可以收取每頁$120以上。

  5.寫稿

【想搵外快】邊款最啱你?10大香港熱門Freelance工作話你知

  文字唔值錢?而家係網絡世界,好多網站需要不斷有新嘅內容,以提高網站能見度,反而造就好多寫文章嘅Freelance。呢類寫手收費通常都係按篇計算,收費大約係每字$0.3~$1。當然,如果你係KOL或真正名家,寫稿嘅收入都可以唔錯,例如某啲專欄作家,係收取每字$10以上㗎。

 [1] [2] 下一頁

編輯:Wing

編輯推薦

【專訪】90後紐西蘭Blogger:剛畢業反正是白紙 唔怕回港搵唔到工

【專訪】90後紐西蘭Blogger:剛畢業反正是白紙 唔怕回港搵唔到工

早前在社交平台上,看到不少黑袍與四方帽,才想起來到畢業的季節。歌有唱過「畢業變成失業」,聽起來就覺得灰,不過畢業是否代表要馬上投入求職潮?「小朋友們打工去‧紐西蘭歷險記」專頁的Suki和Yoyo的冒險故事...

2016-12-14 14:51
【小編親訪】南港島線開通啦!3大南區一日遊覽好去處!

【小編親訪】南港島線開通啦!3大南區一日遊覽好去處!

「開通」這個詞語,在2016年都聽過不少,因為它讓香港人多了不少新蒲點。繼西營盤、黃埔和何文田以後,這次到南區,到底有什麼路線適合大家走走?

2016-12-29 18:45
【專訪】手工啤酒製作人:釀出香港人的甜酸苦辣

【專訪】手工啤酒製作人:釀出香港人的甜酸苦辣

放工約朋友Happy Hour,飲一杯,是不少人的樂趣。X力,還是嘉士X?近年多了一個選擇:手工啤酒。雖則它的逐漸普及,但好多人依然對它不太了解,本地手工啤酒品牌城釀的創辦人之一Eric對它就有另一番解讀。

2016-11-15 18:07

熱門評論