您當前的位置:三點三 > 美食 正文

秋季防敏感大作戰!6大食療幫到你

掃描QR Code 分享到WeChat ×

本文來自myCOOKey飲食平台
秋天嘅乾燥天氣容易引發氣管、皮膚等敏感,對於有過敏症嘅人嚟講,真係有苦自己知!究竟食咩可以預防或減輕敏感症狀呢?

秋天嘅乾燥天氣容易引發氣管、皮膚等敏感,對於有過敏症嘅人嚟講,真係有苦自己知!究竟食咩可以預防或減輕敏感症狀呢?

1.瑤柱炒三色蘿蔔——解救眼乾澀

秋季防敏感大作戰!6大食療幫到你

眼睛乾澀可能增加出現敏感嘅機會,而維他命A就可以幫助分泌淚水、預防眼睛疾病,難怪阿媽成日話食多D含豐富維他命A嘅紅蘿蔔對隻眼好啦!

【材料】

紅蘿蔔120克  白蘿蔔120克  青蘿蔔80克  瑤柱4粒  薑2片

【調味料】

生抽1/2茶匙  鹽1/4茶匙  糖1/4茶匙  生粉1茶匙  水4湯匙  胡椒粉少許  麻油少許

【做法】

1.紅、白、青蘿蔔去皮,洗淨切粒。

2.瑤柱浸軟,隔水蒸30分鐘,撕成絲。

3.熱鑊下油,爆香薑片,下三種蘿蔔粒炒勻,加2湯匙滾水加蓋煮至蘿蔔軟身,下瑤柱絲和調味料炒勻即成。

2.法式洋葱湯——預防敏感

秋季防敏感大作戰!6大食療幫到你

洋蔥素好處多多,更加可以預防敏感!香噴噴嘅洋葱湯配搭濃郁芝士,呢個咪就係Perfect Match囉!

【材料】

洋葱絲600克  牛油20克香草包料1茶匙(用棉布裝好)   糖1/2茶匙   麵粉2湯匙   牛肉上湯2杯   水2杯 

白酒50毫升  1吋厚長法包4片  牛油溶液2湯匙  蒜頭1粒  法國芝士30克(刨碎)   鹽及胡椒少許

【做法】

1.牛油煮溶,炒軟洋葱,加糖再煮至深色。

2.加入麵粉多煮3分鐘,加湯、水、白酒和香草包,用慢火煮30分鐘。調味。

3.預熱焗爐至180℃,把麵包烘至微金黃色,磨上蒜頭。掃上牛油,灑上芝士,焗15分鐘至芝士溶化。

4.取出香草包,把湯放在碗中,蓋上麵包片即成。

【貼士】

洋葱必須炒至成深焦糖色,才能帶出洋葱的甜味。香草包料中包括番茜、百里香及月桂葉等。

3.蕎麥芝麻糊——滋潤唔易痕

秋季防敏感大作戰!6大食療幫到你

唔好以為黑芝麻只係對頭髮生長有幫助,其實佢仲有滋潤皮膚嘅功效,夠潤就唔易痕啦,營養含量亦相當豐富!

【材料】

黑芝麻50克   清水5杯  椰子花糖90克  蕎麥3湯匙  清水1/2杯   植物淡忌廉120克

【做法】

1.蕎麥用1/2杯水浸30分鐘,以攪拌器打成粉漿備用。

2.黑芝麻用清水浸1/2小時,隔去水份。以白鑊炒香,然後放入攪拌器內,加1杯水攪成漿。

3.慢慢加入其餘清水,再將已攪好的芝麻漿加入椰子花糖一起煮融。

4.再慢火續煮約1-1.5小時後,加入淡忌廉及蕎麥粉漿,煮滾後熄火。

4.凱撒沙律——減少引發敏感

秋季防敏感大作戰!6大食療幫到你

研究顯示柑橘類水果和檸檬所含嘅維他命C,可以減少引發敏感,咁其實「食檸檬」都唔係唔好喎!呢個沙律加左檸檬汁,少少酸,好易入口。

【材料】

羅馬生菜300克  麵包粒50克  煙肉粒50克  柏爾馬芝士約20克

凱撒沙律汁:蒜茸2粒   橄欖油125毫升  蛋黃1隻  檸檬汁1湯匙  銀魚柳茸1條  續隨子茸6粒

【做法】

1.羅馬生菜切段,待用。

2.以平底鑊分別烘脆麵包粒及煙肉粒。

3.蒜茸和蛋黃拌勻,慢慢加入橄欖油,打至成忌廉狀。

4.再加入檸檬汁、銀魚柳茸和續隨子茸,拌以鹽及胡椒調味,成為凱撒沙律汁。

5.將羅馬生菜與凱撒沙律汁拌勻,灑上麵包粒、煙肉粒及芝士,即可食用。

【貼士】

沙律蔬菜混入汁醬前,先脫水弄乾。否則,醬汁會變得稀淡。

5.杞菊綠茶蜜——減輕皮膚痕癢

秋季防敏感大作戰!6大食療幫到你

綠茶嘅「兒茶素」成分能夠減輕皮膚痕癢,啱晒有皮膚敏感或濕疹人士飲用;至於蜂蜜,就有效預防及改善鼻敏感。配上枸杞、菊花飲,可滋陰補腎,清肝明目,提神解乏。

【材料】

杞子10克  菊花5克  綠茶5克  蜂蜜適量

【做法】

1.杞子洗淨,與菊花、綠茶放入大茶杯內。

2.用滾水沖泡,焗10分鐘左右。

3.加入蜂蜜,調和飲用。

6.鮮菌扒三文魚——舒緩敏感症狀

秋季防敏感大作戰!6大食療幫到你

Omega 3唔單止有助腦部發育,亦可以紓緩敏感症狀。數到Omega 3含量豐富嘅食物,點可以唔提三文魚?

【材料】

三文魚2件(約400克)  蒜茸2粒  橄欖油2湯匙  白酒4湯匙  鮮菌150克

洋葱番茄醬:番茄肉粒80克  洋葱粒50克  橄欖油2湯匙  鹽1/4茶匙  糖1/2茶匙  黑椒碎1/8茶匙

【做法】

1.三文魚以蒜茸、欖油1湯匙、白酒2湯匙、鹽和黑椒碎醃15分鐘。

2.置三文魚在扒爐上或用鑊煎熟。

3.鮮菌以欖油1湯匙和白酒2湯匙炒軟,以鹽及胡椒調味。

4.番茄肉粒、洋葱粒和橄欖油拌勻,並加入鹽、黑椒碎調味,成為洋葱番茄醬。

5.三文魚置在碟上,拌以已炒鮮菌及洋葱番茄醬,即可享用。

【貼士】

三文魚柳最好事先去皮去骨,以猛火煎香至糖心狀或七成熟為最好。

原文 http://www.mycookey.com/home-cooking/feature/543-%E6%AD%A2%E7%97%95%E6%8A%97%E6%95%8F6%E5%A4%A7%E9%A3%9F%E7%99%82-%E5%9C%A8%E5%AE%B6%E8%BC%95%E9%AC%86%E7%85%AE.html

熱門評論

為橙新聞OrangeNews「讚好」 ×
橙新聞 每日發現新鮮!