您當前的位置:三點三 > 美食 正文

即整即食意大利菜 型男廚師主打慢生活

掃描QR Code 分享到WeChat ×

本文來自myCOOKey飲食平台
打工仔每日一返工就忙到甩轆,OT簡直當食生菜啦……所謂吊頸都要抖下氣,lunch time正好係鬆一鬆的好時機。位於鬧市的新店da Via,主打慢食文化同埋各式各樣意大利美食,當中唔少食材如Pasta及麵包等都係Da Via自家製或從意大利直送到港,可謂即整即食,夠哂新鮮。

打工仔每日一返工就忙到甩轆,OT簡直當食生菜啦……所謂吊頸都要抖下氣,lunch time正好係鬆一鬆的好時機。位於鬧市的新店da Via,主打慢食文化同埋各式各樣意大利美食,當中唔少食材如Pasta及麵包等都係Da Via自家製或從意大利直送到港,可謂即整即食,夠哂新鮮。

da Via近街部分用上玻璃設計,令店鋪自然採光度十足,店內經常充斥香噴噴的麵包味,加埋旁邊以100% real的香草及辣椒砌成的Feature wall,成間鋪頭即時充滿清新香氣,立即變身成為城市中的綠洲咁,等食客一次過體驗視覺、味覺及嗅覺三重享受。

野食未到已經好肚餓,點解?因為da Via整左張長長的玻璃枱放滿哂野食,加埋Open Kitchen的設計,搞到排隊買野食個陣已經流哂口水。

話明係現場手做,當然係唔同啲啦,麵包上面會有好多天然發酵所形成的窿窿,令質感更加鬆軟;而Pasta亦比較多樣化,重好有咬口添。

最basic的肉醬意粉,但味道絕不求其,肉汁濃郁,包住每條煙煙韌韌的麵條,正呀!

呢個Mezzemaniche Mancini (Short Pasta)係比較特別的意粉,外形似個有好多坑紋既圈咁,估唔到佢同海鮮番茄汁又咁夾咼。

呢個拼盤真係不得了!一次過滿足哂我幾個願望,最驚喜可以話係個蒜蓉包,岩岩焗起熱辣辣個刻,有濃郁的蒜蓉香草味,加埋橄欖油食更加一流! 

介紹左餐廳同美食,又點少得型男主廚,來自意大利的Alejandro,鍾情於慢食文化,希望將呢個文化融入節奏急速的香港,下次去da Via記住探下佢啦。

即整即食意大利菜 型男廚師主打慢生活

da Via

地址:灣仔莊士敦道14-16號地舖

電話:3956 9873

熱門評論

為橙新聞OrangeNews「讚好」 ×
橙新聞 每日發現新鮮!