橙新聞

湯文亮

紀惠集團副主席及行政總裁

【湯文亮專欄】真實謊言

【湯文亮專欄】真實謊言
資料圖

【湯文亮專欄】勝在負擔輕

文|湯文亮

紀惠集團副主席及行政總裁

有國內老友話佢去年買的新樓,最近地產商大幅減價三成,佢當然唔開心,立刻問替他促成交易那位物業代理,答案是樓價始終會回升,有買貴,冇買錯,現在只是暫時失利,老友聽完始終覺得有買貴冇買錯是有多少唔妥,但又講唔出是什麼唔妥,於是問我那位物業代理有沒有講錯。

老友可能唔知道,我有好多物業代理老友,真的唔想講壞話,大家都是搵食,況且減價是地產商而非物業代理,於是話那位物業代理所講的是真實謊言,有買貴是真實,冇買錯是謊言。

嚴格來說,買貴就是買錯,是在錯誤的時間入市,老友亦明白,牛唔飲水唔撳得牛頭低,最終都是由他自己做決定,唯有苦笑。

有買貴冇買錯這句話其實被濫用,應該是有一些條件才可以講有買貴冇買錯。例如一幢大廈,有人用高價買了一個位於十幾樓單位,他便不能用有買貴冇買錯,因為如果有人用低於他買的價錢,買到同一幢大廈,相同面積,而樓層比較高的單位,即時可以證明他買貴亦買錯。如果他買高層單位,即使有人話買貴了,他便可以用有買貴冇買錯來反駁,因為就算有人可以低三成買到同類型單位,但樓層不及他買的,亦不能比較。

所以,有買貴冇買錯是有條件限制,最基本是非常罕有的優質單位,唔可以隨便用。

我初出道時當有物業代理知道我買了一個物業,就會話如果經他買,價錢可以平幾個巴仙。但米已成炊,只能講有買貴冇買錯,不過不是對我說,而是對我老闆講,真的是攞命,現在當然不會發生。

現在相熟的物業代理知道我們買入一個物業,絕對不會講有買貴冇買錯,反而話價錢合理他亦未必可以做到,無論任何人聽到都會很舒服,這才是真實謊言。

本文為作者獨家供稿。

本文為作者觀點,不代表本媒體立場

責編:Loki

編輯:Norma Zhong

編輯推薦

【湯文亮專欄】空置率也講Location、Location、Location

最近見到一位愁眉深鎖行家,不過沒有問他有什麼事,在這個時勢,物業投資者大多數愁眉深鎖,行家話大行一份空置率報告,累他被老闆照肺照了一個晚上,大行報告中指出,中環甲級寫字樓空置率大約7%,而他們公司的...

2020-07-22 11:47

【湯文亮專欄】在英國的朔方郡

昨晚有老友趁新限聚令仍未開始話要請食飯。事實上,從父親節放寬限聚令之後,我晚晚有應酬,已經有多少攰,昨晚本來唔想去,但再想一想,新限聚令可能維持一個月,就應該趁新限聚令開始之前食番餐勁。

2020-07-15 09:51

【湯文亮專欄】國安法有助香港評級提高

在香港國安法未推出之前,不少消息指在推出之後,將會有大量資金撤離,股市下跌,移民的人大幅增加,但事實反而有大量資金湧入,令到金管局不時要沽港元,股市則上升,而移民離開的人未見大幅增加,與大家想像...

2020-07-10 10:18

熱門評論

已複製連結