橙新聞

傳奇鞋佬

女鞋國Love Vintage及鞋佬生活百貨創辦人

【傳奇鞋佬】酒鬼之夜:將不可能變可能

【傳奇鞋佬】酒鬼之夜:將不可能變可能
圖:作者提供

【湯文亮專欄】勝在負擔輕

文|鞋佬

女鞋國Love Vintage及鞋佬生活百貨創辦人

飲啦仲講! ......「葡萄美酒夜光杯,鞋佬直播馬上飲」。上星期場直播係一個party之夜,有美酒、佳餚,仲有美人相伴,鞋佬摸住酒杯底,同您地傾下計。

您有無試過係實體店買酒,店內個推銷員開住party同你介紹啲酒有幾好飲呀?現實中係無可能,但係Online直播嘅世界帶貨網紅將不可能變做可能,只要你有創意,什麼都有可能,鞋佬將真正嘅飲酒樂趣係鏡頭上呈現俾大家。相信當晚有睇直播嘅您都感受到鞋佬嘅「醉意」,不過我同大部份飲醉嘅人一樣都講咗句:「我無醉」。

【傳奇鞋佬】酒鬼之夜:將不可能變可能
圖:作者提供

平時去酒莊買酒,有成千數百支酒要你係度慢慢揀,其實您點知邊支好飲,現場個銷售員都未必得閒同你慢慢揀!而家有了生活百貨呢個網購平台,鞋佬幫你試過之後揀埋俾您,再送埋上去您屋企。大家足不出戶就有靚酒飲,係咪諗都無諗過呢?三年前我都無諗過,我更加無諗過可以同一時間同成千個朋友一齊把酒當歌,但係當晚我做到了,係酒精嘅加持底下,直播期間一眾網紅情緒都好高漲,鞋佬無諗過當晚生意做成點,只想同大家把酒言歡,將歡樂帶俾大家......「醉翁之意不在酒,在乎粉絲之間」。

生活百貨呢個平台仲會發掘更多新奇有趣嘅產品推介俾大家,就好似今期介紹嘅阿拉丁神杯——鈦金屬威士忌杯,呢個品酒神器係透過獨有鈦材料杯嘅特性,可以加速酒精氧化,飲起上嚟唔再覺得啲威士忌好「哽」,易入口左,仲將支酒嘅味道提升咗幾個Level,同時又可品嚐到酒原有嘅味道。鞋佬係一個粗人,為粉絲搵靚貨嘅過程中,都慢慢學識咗品味生活。

上期鞋佬將新鮮疏果帶入屋,今期將酒透過鏡頭送到府上,其實鞋佬係想將成個超市帶返你屋企,一眾帶貨網紅係度慢慢改變整個消費模式,合力打造香港網購新世界!

今次就飲醉,下次會係點呢?網購既可能性之大,真係要飲番杯先敢諗。

作者簡介:

鞋佬——香港第一直播帶貨男網紅!一直以來靠把口搵食,曾經擁有8間實體店,卻從不相信網店,直到被淘寶狠狠擊敗,完全崩潰,發呆走去釣魚一年,逃避現實,年半前屋企經濟響起警號,迫住返回地球,無錢,無面,無人脈,唯有靠Facebook開live直銷女裝鞋,由第一個月賣得幾隻鞋,做到現時每月數百萬營業額。去年更將業務拓展至百貨行業,創立「鞋佬生活百貨」Facebook Page,直播2個鐘帶貨100萬。

本文為作者獨家供稿。

本文為作者觀點,不代表本媒體立場。

責編:EK

編輯:Emma

編輯推薦

【傳奇鞋佬】香港首位帶貨網紅打入「公仔箱」

細細個果陣,我哋會叫電視台做公仔箱,因為係電視機入面嘅內容係預先拍好,好似影畫戲一樣,就好似有好多真人公仔係個電視節目入面郁來郁去。

2020-06-27 14:53

【傳奇鞋佬】隔住個Mon聞到榴槤香

飄來榴槤之香,芬芳到嘴邊......我哋直播平台又作出一個新嘗試,直播推介馬來西亞直送D197貓山皇榴槤,芬芳撲鼻既氣味,真係隔住個mon都聞到!但大家有無諗過,貓山皇點解叫貓山王呢?

2020-06-21 14:42

【傳奇鞋佬】人人都是帶貨網紅

「鞋佬、鞋佬,可唔可以同我影張相啊」,「鞋佬,我好鐘意睇你直播啊」。有時出街都會遇到呢種情境,心裡暗爽係因為做直播帶貨,多咗人認識我,知道我呢個「帶貨網紅」,其實人人都係帶貨網紅。 點解咁講?現...

2020-06-13 15:49

熱門評論

已複製連結