橙新聞

湯文亮

紀惠集團副主席及行政總裁

【湯文亮專欄】現在唔買樓但可以睇樓

【湯文亮專欄】現在唔買樓但可以睇樓
圖:星島

【湯文亮專欄】勝在負擔輕

文|湯文亮

紀惠集團副主席及行政總裁

每當大型百貨公司大減的時候,公司女同事就會在午飯時間或者放工後大買特買,我問點解唔怕買貴左,女同事話唔怕,因為平時已經睇啱,不過太貴,知道百貨公司每年會有春秋二祭,以大減價形式回饋顧客,所以當百貨公司大減價,立刻身先士卒去搶貨,仲話係我教,買靚樓荀樓是可求不可遇,而非可遇不可求,去百貨公司搶貨也是一樣,如果唔預早睇定,都唔知道百貨公司是否真正減價,孺女可教也。

近日物業市場受到新冠肺炎疫情影響,買賣兩難,成交量非常少,我叫營業部同事向女同事學習,現在用多些少時間去睇樓盤。

老實說,現在亦只是得個睇字,業主是不會減價。但如果有一日,某些業主因為財務問題而大幅減價,到時公司可以儘快做到決定,因為有很多人如果唔打算買樓,根本唔會睇樓,當他們見到樓價下跌而有心買樓的時候,物業已經被其他有心人買走了。

所以,在樓市淡靜時去睇樓是物業投資者的功課,平時唔做功課,考試又怎會有好成績。況且,現在物業代理又非常樂意帶客戶去睇樓,如果是市旺的時候,難保有一些物業代理會話,如果冇興趣買就無謂睇,未睇樓先睇代理面色,但絕對不能夠怪他們,大家都要搵食,在市旺,如果不打算買樓的確唔好浪費別人時間。

本文為作者獨家供稿。

本文為作者觀點,不代表本媒體立場

責編:Emma

編輯:Norma Zhong

編輯推薦

【湯文亮專欄】新加坡撤辣 是否香港又要撤

有物業專家話新加坡準備撤銷管制住宅樓宇辣招,香港亦應該立刻撤辣,否則又會輸比新加坡。

2020-03-25 11:23

【湯文亮專欄】撤辣令初次置業者的購買力消失

有老友唔明白,在新冠肺炎疫情影響之下,大家一致睇淡樓市,但新樓銷售的成績不俗,而二手樓的優質盤亦消失,究竟購買力是從哪裏來。

2020-03-18 18:27

【湯文亮專欄】撤辣之後樓市會下跌?

今早去到茶餐廳,連咖啡還未飲,已經有熟客質疑我點解唔支持撤辣,仲話現在成交量很低,撤辣之後不但可以增加成交量,而且會加速樓價下跌,現在物業代理冇生意,真的是很慘。

2020-03-11 16:59

熱門評論

已複製連結