橙新聞

第一桶金

資深地產分析師

【第一桶金】退租潮

【第一桶金】退租潮
資料圖
【第一桶金專欄】新辣招後 細價樓仍然受捧

文|1% Anthony

1%投資課程總監

朋友:最近好多租客退租。

筆者:係?通常係咩租客?

朋友:單身租客又有,兩個人的租客又有。

筆者:點解呢?唔使住咩?

朋友:就係唔使,啱啱噚日有個後生仔,話搬番屋企住。

筆者:咁又係,對佢哋嚟講,居住並唔係必需品。

朋友:咁點算?

筆者:平啲租囉,或者執執裝修,提供多啲增值服務。

朋友:例如呢?

筆者:傢俬電器、免費寬頻等等。

朋友:都可以試吓喎。

經濟下行,租務市場都受到影響。

首當其衝的當然是商舖市場,大家都見,社會事件發生之後,零售氣氛差咗好多,外國遊客少咗,內地旅客更是斷崖式下跌,很多國內朋友,聽埋聽埋好多負面消息,覺得香港好混亂,如冇必要唔嚟香港。除了遊客之外,之前幾個月的街頭衝突,本地消費意慾都明顯下跌,很多商舖結業,很多傳統旺區,例如尖沙咀、旺角等滿街吉舖,雖然最近氣氛稍為緩和,但投資者似乎未有信心回歸。事實上自由行的高峰期已過,再加上經濟轉營,網購越來越盛行,商舖市場短期內似乎難以重拾早幾年的風光。

住宅市場亦受到影響。

身邊不少收租業主都有講起,家庭客市場影響比較細,一些兩房、三房單位的租務尚算穩定,只要減些少租還是可以租出去,一房單位有輕微壓力,因為不少公司都裁減人手,不過影響未算好大,只要減些少租,又會有一些生力軍,例如小情侶、小夫妻接力。

反而壓力比較大的,是開放式單位及分間單位,或稱劏房。

據好幾位一直做分間單位做得很不錯的資深投資者朋友所講,一來近年做分間的人比較多,供應多了很多,二來經濟下行,很多租客都唔想花錢,就搬走了。例如很多上班族,一些剛出來工作不久的年青人,之前好境的時候,賺到點錢,就搬出來過獨立生活。尤其是一些居住地方與工作地方很遠的上班族,例如家住元朗,但每天要到鰂魚涌上班,一東一西,一來一回,隨時要花兩小時的車程,車費也很貴,倒不如在公司附近租一個套房,多付幾千元,一來可以有獨立的生活空間,二來可以多兩小時睡覺,也不錯,於是就在工作地點附近租一個套房。後來經濟下行,賺錢少了,似乎沒有必要花這幾千元,不如搬回老家住,於是就退租了。以前放出街一、兩日就租得出,現在可能幾個星期都未必能租到出去。

至於有朋友經營賓館,情況就更為嚴重。

訪港旅客數字急跌,很多三、四星的酒店都大幅割價,平日甚至低至兩、三百元就可以住一晚,質素、配套差幾皮的賓館,一直以來都是靠比酒店平而生存,現在又點會捱得住呢?如果租一、兩百元一晚,甚至成本都唔夠,如果唔租蝕得仲勁,於是有些就轉型做月租套房,有些單位是租回來的,甚至止蝕離場。當然亦有做學生生意的業主,不少大陸學生都提早返回大陸退租,相信情況都要維持一段時間,直至社會運動平息,經濟重拾正軌才會改善。

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商舖、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

責編:Loki

編輯:Emma

編輯推薦

【第一桶金】2019年樓市回顧(實戰篇)

Anthony Sir你好,新年快樂!想問問你對2020年的樓市有甚麼睇法呢?2019年好像全年都氣氛都好差,你覺得對今年有何啟示呢?

2020-01-07 14:15

【第一桶金】2019年樓市回顧(大事篇)

每年年底都會有好多大事回顧,樓市亦不例外。今年咁多大新聞之中,揀咗幾個對投資策略有比較大影響的事件跟大家分享。

2019-12-30 11:27

【第一桶金】大白象大檢閱

最近睇咗篇報導,講近年的大白象工程。 有啲真係幾浪費,有啲又真係幫到手,齊齊檢閱一下。

2019-12-24 11:11

熱門評論

已複製連結