橙新聞

【搵錢呢啲嘢】90後老煙民開電子煙專賣店︰立法禁售不等於沒人食

政府上年提出禁售電子煙、加熱煙同草本煙等另類煙草產品,立法會一個委員會上月底通過暫緩禁止電子煙及加熱煙等新式煙草產品的議員動議,換句話就是賣「電子煙、加熱煙」的小老闆飯碗暫時保住。90後老煙民Loman就說「立法等於失業,但沒有後悔創業」。不過他說,政府的修例方案中的確只是規定禁售,而非禁食,正如Loman所說「如果你第時去到外國有得買」,大眾又是否可以清楚了解到電子煙的「禍害」呢?

圖:搵錢

創業,很多人都想,但當中有不少人卻常因不知「創咩業」,空有一個「想創業的夢」。的而且確,今時今日要在香港,找一個可長遠發展且能賺錢的行業,很難,因為普遍行業的同業者多、市場競爭大。如果像90後Loman般,挑選了自認為「最有前景」的電子煙業創業,短短3年,已有一班熟客,每月營業額達6位數,面臨政府立法「封殺」,是幸運還是不幸?又可怪誰呢?

圖:搵錢

「我最初開始接觸電子煙時大約14歲,當時身邊嘅朋友都係食傳統煙,但我唔想咁早就有煙癮,所以當時只淨係食電子煙」今年24歲的Loman憶述。他直言中四就退學,曾在巴士廠做維修學徒,雖然有機會晉升成廠長,但由於工作地點太遠,Loman回到各個行業中穿梭遊走做做散工。人生毫無方向之時,有兩個朋友邀請他一起開店,「佢同我講,你玩咗電子煙咁耐,要搞盤生意應該搞得掂嘅。」就這樣,他們三人各拿了3萬,共9萬塊作為創業啟動基金,在旺角租了一間小鋪,創立電子煙專賣店「Vape Room 86」。

圖:搵錢

雖然一講起電子煙,Loman總離不開「玩電子煙」一詞,但他對生意絕不兒戲,「就算我唔係喺鋪頭,我都會諗要入咩貨,有咩貨賣晒,啲款齊唔齊。雖然實質喺鋪頭落手做嘅時間可能唔算多,但是冇停止過去諗鋪頭嘅嘢」。為了讓客人多了解不同的電子煙產品,Loman會拍不同的電子煙Review,而這些影片更成為了他在同行中最大的優勢,令他的經營方向有別於其他同業者。他更說店中所賣的每一款貨品,他都親身試過才決定入貨,「我對鋪頭嘅服務同產品質素要求好高,因為我唔想啲客好有心咁走入嚟,但係得到唔好嘅產品和體驗,導致佢以為電子煙唔好。」

圖:搵錢

創業3年,每月營業額達6位數,亦有一班固定的熟客,前途看似一遍光明。政府正研究修例立法,打亂了Loman的發展計劃,「我會想擴大鋪頭嘅規模,想搬大鋪同開分店,但就係因為政府話要禁售,我唯有hold住先」。

面對政府的修例,Loman說︰「諮詢就從來都冇嘅」。你可能對這說法感到疑惑,但對電子煙業界來說,政府的「諮詢」只是在收集「資料」,而非「意見」,而收集的資料離不開客人的年齡,以及有沒有穿校服的客人來買。Loman續指「就算香港冇煙賣、冇電子煙賣、冇大麻賣,唔代表香港冇人食煙、食電子煙、食大麻。其實電子煙只不過係一種新啲嘅香煙替代品,但之後可能會畀人誤會以為同大麻一樣。吸煙年輕化,從來都是教育問題。」

對比立不立法禁售,Loman所期望的,是政府立法監管,確保市面上電子煙產品的質素,而非不理不睬,或是過份的禁止。即使修例草案已於6月25日正式暫緩,但礙於租約,及修例各種未知數,在業務發展方面,Loman亦表示「算係要睇定啲先。」

問及他有否覺得自己選錯行業,Loman說自己沒有後悔,「我唔覺得會有其他人揀嚟創業嘅行業係會畀政府ban嘅,所以當自己好彩又好,吸收經驗又好,有一個創業嘅經歷,對我之後做其他行業都會有幫助。創業係好玩嘅,係自由嘅,亦都辛苦、有壓力嘅,但開呢間舖頭所經歷嘅事係打工唔會有。」他甚至說如果讓他重選,他還是會開電子煙專賣店,因為他「最叻嘅就係電子煙」。

責編:Loki

編輯:Emma

編輯推薦

【搵錢呢啲嘢】每年救30萬件過期貨 90後港大生:曾經俾人話痴線

到超市入貨時,如果發現手上的食物就快過「最佳食用日期」,相信好多人都會立即換過第二件,但90後港大學生韓駿謙(Terence)卻人棄我取,兩年前在工廈開店,以超值價出售剛「過期」的包裝食品,今年5月已開到第三...

2019-07-12 16:41

【搵錢呢啲嘢】一張信用卡變四千呎舖 90後情侶「秒殺」波鞋街

波鞋友,有誰不想將興趣當飯食,上網做買賣賺外快,儲夠錢再買新鞋。九十後Theo(吳梓歡)讀大學時,因為成績太差被踼出校,前途好似一片灰暗,無意中卻發現網上買賣波鞋有利可圖,憑著一張信用卡和女友Sandy(馮蒨...

2019-05-10 18:00

【搵錢呢啲嘢】蝕20萬一舖清袋 90後鍊贏3間大企攞茶棒代理權

會考0分、17歲投身零售業的Brianna,辛辛苦苦工作8年,儲了一筆錢便毅然走上創業路,開設時裝店。奈何開業不久,便遇上零售寒冬,令一切化為烏有,最後蝕本收場。經歷過創業失敗的她,看準時機,再次創業,不過今...

2019-04-04 16:55

熱門評論

已複製連結