橙新聞

第一桶金

資深地產分析師

【第一桶金】找個願意陪你睇樓的女朋友

【第一桶金】找個願意陪你睇樓的女朋友
設計圖

【第一桶金專欄】新辣招後 細價樓仍然受捧

文|1% Anthony

1%投資課程總監

幾年前網上瘋傳一段影片,講述一個年青人,希望找到一個願意陪他吃麥當奴的女朋友,深得網民共鳴。其實,買樓投資亦是一樣,伴侶的支持非常重要。話說上個月我們舉辦了一個撈底分享會,有一對學員在今次跌市,一口氣撈底買入兩個單位。
 
女同學:​今次我哋睇咗好多地方。
男同學:​係呀,我諗都睇咗四、五十間。
女同學:​朋友成日問我哋工作咁忙,點安排時間。
男同學:​其實呢幾個月,一放假就拍住拖去睇樓。
女同學:​唔止買到筍盤,仲慳唔少錢添。
男同學:​好感恩有個願意陪我一齊去睇樓嘅太太。
女同學:​係我上堂先架,係我叫你一齊上堂一齊睇樓架。
男同學:​係喎,哈哈。
 
話說這對小情侶之前都無買過樓,都算是新手。由於準備今年結婚,所以想買一個單位自住,上課後對投資物業愈來愈大興趣,於是就帶同未來老公上課,並計劃用盡兩個人名,一人買一間,老公名就買一個三房單位自住,老婆名就買一個一房單位收租。

兩人都是專業人士,平時工作很忙,正常情況下,應該得個「講」字,再講就沒有下文,然後樓市回升,高呼後悔。不過,這對小情侶行動力很強,出手也快狠準,短短幾個月跌市,已經分別在港島南買入自住單位,西九龍買入收租單位,而且價錢也很便宜,比高位都有逾百萬水位,最主要是伴侶間互相支持。
 
買樓投資是重要的人生決定重要不是在於你買甚麼樓,而是在於你決定走這條路。

之前筆者都寫過相關的文章,買樓投資是Important but Not Urgent的事,很多時候都會被遺忘,尤其是當你睇過兩、三次樓都沒有收獲,如果沒有伴侶的支持,很容易放棄。記得筆者剛開始買樓投資的時候,當時的女朋友不理解。

筆者:​今個星期日朋友約我去沙田睇樓。
女友:​星期日嗎?唔去得唔得呀?
筆者:​聽朋友講,佢睇個盤幾筍吓。
女友:​咁難得星期日放假,去埋睇樓,咁唔使去街啦。
 
當時筆者仍然是打工仔,是窮忙族。一星期六天工作,就只有星期日可以發揮,沒辦法了,既然女友黑面,那唯有放棄,不但睇樓的機會少了,就連平時也沒有多說。
 
這不是最惡劣的情況,最可怕的是,你身邊的人都潑冷水。每次跟親人朋友講買樓,個個都有很多意見,甚麼加息週期即將來臨,環球濟不穩,未來樓價應該會跌,首期要付很多錢,供幾十年很大負擔,工作未必穩定,十萬個反對的理由。

最慘的是,他們都沒有甚麼買樓經驗,只是純粹出於個人意見。如果一般親戚朋友還好,若身邊的伴侶也是這樣的話,發達機會放在你面前,我相信你都不能好好把握。
 
如果你都想往後投資路走得順利,嘗試跟你的伴侶解釋,讓他/她明白你在做甚麼,如果找到一個願意陪你去睇樓的男朋友/女朋友,投資路上你將會走快幾倍!

作者簡介

1% Anthony

1%投資課程總監,暢銷投資書「買樓上車防中伏」、「樓。轉命運」、「上車又住又賺」等作者,經濟一週專欄作者,曾任商台「星火燎原」嘉賓主持,曾接受TVB「新聞透視」、「財經透視」、「Big Boyz Club」、經濟日報、明報、星島日報、iMoney等專訪。2000年科網股爆破,欠下一身卡數。債務重組,還錢兩年後再出擊,由滿身卡數打工仔,變出雙位數物業。2009首創地產投資課程,與同學們大舉出擊,住宅、商鋪、工廈、大陸市場,以穩健投資策略,協助無數年青人成功上車,無數小業主財務自由。

Fan Page《第一桶金》:www.facebook.com/anthony.wealth

本文為作者觀點,不代表本媒體立場。

責編:郭韻婷

編輯:Loki Chan

編輯推薦

【第一桶金】樓價回升…等抽新居屋?定買私樓?

最新一期居屋5月接受申請,當中最矚目,身邊最多朋友流晒口水的當然是位於傳統豪宅地段,34名校網的何文田冠德苑,不過伙數就比較少,只有603伙。除了傳統老牌豪宅,何文田近年有不少豪宅新樓相繼落成,當中最貴...

2019-04-08 10:05

【第一桶金】填海不成 樓價難跌

身邊很多朋友講起買樓上車就叫慘,原因是因為他們只看支出,例如要付出幾多首期,要儲幾耐,然後仲會計算每個月要供幾多錢,然後就會聯想到自己往後會有幾痛苦,例如每年去少幾多次旅行,買少幾多個名牌包包,食...

2019-04-01 10:01

【第一桶金】自住樓冇所謂啦

幾乎每天都收到同學問盤,筆者也希望可以盡力幫他們把好關,免得買錯樓,尤其是新手同學,辛辛苦苦儲到首期,如果買錯樓,要坐艇甚至蝕錢就慘囉!很多人會覺得…自住樓冇所謂啦!就算層樓唔升,甚至跌些少,如果...

2019-03-26 12:17

熱門評論

已複製連結