橙新聞

【搵錢呢啲嘢】經歷廿年地獄生涯 型廚寧搵少啲變身上門廚師

【橙訊】「地獄廚神」Gordon Ramsay性格火爆,不少廚師被他鬧到狗血淋頭,但對於曾在米芝蓮星級餐廳工作的Angelo來說,可能只是濕濕碎,加上每天工作最少14小時,令他開始思考廚師有沒有其他工作模式。剛好一名80後近年成立上門廚師平台,Angelo亦成為上門廚師,「人工當然無咁高啦,但我可以講,I am still alive。」

Angelo。圖:搵錢

在別人眼中,Angelo可能很成功,曾經在米芝蓮二星級餐廳、五星級酒店等工作,當過行政總廚,亦當過餐廳老闆,但背後所付出的努力卻未必人人看到。

【搵錢呢啲嘢】經歷廿年地獄生涯 型廚寧搵少啲變身上門廚師
圖:搵錢

中學時期已經會買餸煮菜的Angelo稱:「因為我媽媽煮菜好好食,變相我好鍾意食嘢,咁啱有屋企人做西餐廚師,就介紹咗我去一間當時幾出名嘅法國餐廳做。」首次踏入廚房的畫面,可以用「打仗」來形容,「個總廚喺度發緊癲,『嗶哩啪啦』,啲人周圍補鑊或者起餐。」同時,各種香味從四方八面湧來,當時的印象十分深刻。

「Gordon Ramsay大家覺得好似好恐怖,我諗我一半以上嘅生涯,比嗰個地方更加恐怖,真喺想做廚房,可以話頭嗰幾年喺冇尊嚴,亦唔好期待自己喺人。」Angelo憶述有一次:「嗰碟野起餐,可能有啲missing,跟住總廚就成碟野飛埋嚟,嗰堆野skip咗,跟住你再sorry,再嗱嗱淋煮返啲野食,你可能得5分鐘,未經歷過唔會明白。

圖:搵錢

「試過最恐怖,有一份工每日最少返14個半鐘頭,食半個鐘頭飯,每一刻都係跑緊,當然唔計你喺個爐度,或者切嘢果刻,但喺你每刻個動作都要好快,因為你個workload好重。」

機緣巧合下,Angelo透過朋友介紹接觸到網上廚師預約平台MobiChef,萌生起改變工作方式的念頭。「入行辛苦喺預咗既,但喺咪必需呢?」於是抱著一試的心態,半年前開始成為上門廚師,看看能否在生活和工作之間找一個平衡點。

由設計菜單、購買食材、上門烹調、出餐,以至計算食物成本、事前事後與客人溝通等,上門廚師均由自己一手包辦。預約平台則是一名「紅娘」,負責聯繫廚師和客人,並提供一些協助。對廚師來說,最大好處是可能因應季節或自己的強項,自由設計菜單。

圖:搵錢


上門廚師的收入頗受淡旺季影響,在較多節慶的旺季,Angelo每個月有五至七張訂單,收入介乎2萬至3萬元,淡季收入也最少有五位數。「個工作量無咁大,當然人工冇咁高啦,但淡季同旺季之間你可以做其他嘢,令到你嘅生活可以平衡到。」

Fanny。圖:搵錢

MobiChef由曾任職10年酒店公關的80後Fanny創辦,在職場打滾多年後辭職,除了給自己一個假期,還考慮到未來是否繼續在這一行發展。她曾經想過開農場,但考慮到體力有所不遞,最終未有成事。當時她經常邀請朋友在家宴客,準備食物時往往錯失和朋友相聚的時光。這時她開始構思,可否利用廚師的工餘時間,到不同地方煮菜。經過1年籌備時間,在2017年正式推出網上預約廚師平台,創業夢由地下搬到線上。

用家在平台先選擇廚師上門的日子和時間,或者以飯局人數、預算、菜式,甚至溝通語言等條件來搜尋廚師,選擇菜單後便可以落單。平台收費以人數計算,已包含食材費用及廚師的服務費,而每張菜單均會列出廚具和廚房設施的要求,例如是否需要焗爐。烹調後,廚師會清理廚房和廚具,餐具則由客人自行清潔。

目前平台已有40多位廚師加盟。圖:搵錢

聘請廚師上門煮菜,聽起來是有錢人玩意,Fanny亦不否認使用服務的客人,其生活條件不錯,最少客人家中要有一個廚房,她更傾向認為光顧的客人較捨得花錢在飲食上,「有錢唔代表捨得食,你可能喺收入中中挺挺,但你好捨得佢食,等如有啲人可以好捨得花錢去旅行,有啲人好捨得花錢去買化妝品,或者好捨得花錢喺自己嘅寵物身上。」

目前平台已有40多位廚師加盟,去年營業額達七位數,最高峰一個月接獲近100張定單,淡季定單介乎50至60張,主要靠用家口碑宣傳。非廚房出身的Fanny坦言,成立初期最困難在於尋找廚師加入,「有啲廚師覺得我哋好似玩玩下,當你嘅公司未成型嘅時候,亦都冇乜人認識嘅時候,佢哋會好卻步加入。

「好記得有個師父,咁可能20、30年經驗、係老一派啲嘅,我同另一位同事約佢出嚟傾計,由天光傾到天黑,exactly由入門口嗰一刻佢要做啲乜嘢啦,跟住有啲乜野要注意啦,或者事前啲客人會問啲乜嘢啦,佢都會問得好細仔,都算係講到口都乾嗰啲」Fanny說。

廚師由傳統廚房走進「別人家」工作,會否難以適應,或者食物質素大跌Watt?Fanny稱:「即使一間好出名嘅餐廳,都總會有客人唔滿意嘅時候喇。」廚師加盟前都會有一個 「模擬試」,讓Fanny試菜的同時,還看看他們會否遇上甚麼困難。

「有啲廚師喺呢個過程入面已經quit咗㗎啦,可能佢會覺得比想像之中複雜好多,帶多咗好多嘢,好多估唔到嘅地方,到最後經過曬呢啲,再成為我哋嘅廚師,其實某程度上佢哋有信心做得好。」隨著加盟廚師人數開始增多,Fanny當務之急是尋找更多訂單,令每位廚師都有一定的預約。

責編:郭韻婷

編輯:Loki Chan

編輯推薦

【搵錢呢啲嘢】高登仔靠食腦搞公關:無高登無我地!

提到「高登仔」,通常會聯想起「毒男」、「鍵盤戰士」,但不講不知,原來兩年前特首選舉,幫曾俊華管理社交媒體正是出自高登仔,當時破格的公關方式大獲網民好評。選舉後這幾名高登仔索性成立社交媒體傳訊公司SSH...

2019-03-29 12:50

【搵錢呢啲嘢】蝕20萬一舖清袋 90後鍊贏3間大企攞茶棒代理權

會考0分、17歲投身零售業的Brianna,辛辛苦苦工作8年,儲了一筆錢便毅然走上創業路,開設時裝店。奈何開業不久,便遇上零售寒冬,令一切化為烏有,最後蝕本收場。經歷過創業失敗的她,看準時機,再次創業,不過今...

2019-04-04 16:55

【灣創】走遍灣區10個城市 屋邨仔帶10萬蚊東莞追夢

80後、屋邨長大的鄧文俊(Sky)去年三月放棄月入三萬多的工作,裸辭在家創業,投身創新科技行列,創辦WhereAR Limited,埋首研發擴增實境(AR)技術。

2019-03-28 11:31

熱門評論

已複製連結